BAKI, AzerVoice
ABŞ Prezidenti Donald Tramp, İsrailin Baş naziri Benyamin Netanyahuya Qəzza zolağına daha çox ərzaq və dərman göndərilməsi üçün təzyiq göstərib.
AzerVoice xəbər verir ki, bu baqədə Tramp prezident təyyarəsində jurnalistlərə verdiyi açıqlamasında deyib.
"Qəzza məsələsini Netanyahu ilə müzakirə etdim və ondan bölgəyə qarşı yaxşı rəftar etməsini istədim" - deyə, Tramp bildirib.
Qeyd edək ki, BMT-nin Ümumdünya Ərzaq Proqramı bu gün Qəzza zolağında bütün ərzaq ehtiyatlarının tükəndiyini bildirib. Müharibə ilə viran edilmiş bölgəyə İsrail martın 2-dən bəri heç bir humanitar yardımın daxil olmasına imkan vermir.
"Bu gün Ümumdünya Ərzaq Proqramı Qəzza zolağındakı isti yeməkxanalara son qalan ərzaq ehtiyatlarını da təhvil verdi. Bu yeməkxanalarda ərzağın gələn günlərdə tamamilə tükənəcəyi gözlənilir" - deyə, proqramın bəyanatında qeyd olunub.