Bakı, AzerVoice

ABŞ Prezidenti Joe Biden, İsrail Baş naziri Binyamin Netanyahu ilə telefon danışığında Beyrutda mülki insanlara zərərin minimuma endirilməsinin vacibliyini vurğulayıb.

AzerVoice xəbər verir ki, Ağ Evdən verilən açıqlamaya görə, Bayden və Netanyahu arasında baş tutan telefon danışığında vitse-prezident Kamala Harris də iştirak edib.

ABŞ-ın İsrailin təhlükəsizliyinə sadiqliyinin vurğulandığı görüşdə Bayden Netanyahuya “Mavi Xətt”dəki livanlıların və israillilərin təhlükəsiz şəkildə evlərinə dönə bilmələri üçün “diplomatik həll”ə ehtiyac olduğunu qeyd edib.

Görüş zamanı hər iki şəxs Qəzzada atəşkəs üçün diplomatiyanın yenidən işə başlaması lazım olduğunu bildirərkən, Bayden Qəzzada humanitar vəziyyətə diqqət çəkərək bölgənin şimalına yenidən girişin vacibliyini vurğulayıb.

Bayden-Netanyahu görüşü ilə bağlı mətbuat brifinqində qiymətləndirmələr aparan Ağ Evin sözçüsü görüşün “birbaşa” və “məhsuldar” olduğunu qeyd edib və tezliklə yazılı açıqlama veriləcəyini deyib.

ABŞ-ın keçmiş prezidenti Donald Trampın Netanyahu ilə telefon danışığına münasibətini öyrənmək istəyən Ağ Evin sözçüsü bu məsələni şərh etməyəcəyini bildirib.

Qeyd edək ki, Netanyahu və Bayden təxminən 2 aydan sonra ilk dəfə telefonla danışıq aparıblar.

Görüşdə İran məsələsi də müzakirə edilib və tərəflər atəşkəs üçün diplomatik səylərin yenidən başlaması gərəkdiyini bildiriblər. İsrailin müdafiə naziri Yoav Gallantın ABŞ-a səfərinin təxirə salındığı da görüş zamanı qeyd edilib.