Bakı,AzerVoice
Fələstinin "HƏMAS" hərəkatı siyasi büronun başçısının qətlinə görə məsuliyyəti Amerika Birləşmiş Ştatlarının (ABŞ) və İsrailin üzərinə qoyub.
AzerVoice xarici KİV-ə istinadən xəbər verir ki, bu bəyanatla hərəkatın Livandakı təmsilçisi Mahmud Tax çıxış edib.
Onun sözlərinə görə, bu insident Vaşinqtonla razılaşdırılıb.
"İsmayıl Haniyənin Tehrandakı qətli qorxaq aktdır və bu ABŞ-dən "yaşıl işıq" alınandan sonra həyata keçirilib", - deyə o bildirib.
"HƏMAS"ın Əlcəzairdəki nümayəndəsi Yusef Həmdan söz verib ki, siyasi büronun başçısının Tehranda öldürülməsi İsrailə qarşı cavab tədbirlərinin görülməsi ilə nəticələnəcək.
Onun sözlərinə görə, Haniyənin ölümü hərəkatın rəhbərliyinin və onun strukturlarının siyasətinə təsir etməyəcək.
Xatırladaq ki, "HƏMAS"ın lideri İsmayıl Haniyə 31 iyul gecəsi Tehranda həlak olub.