BAKI, AzerVoice
ABŞ və Filippin Hərbi Hava Qüvvələri birgə təlim keçirib
AzerVoice xəbər verir ki, ABŞ Sakit Okean Hərbi Hava Qüvvələri və Filippin Hərbi Hava Qüvvələri, Cənubi Çin dənizindəki gərginlik fonunda, Hind-Sakit Okean regionunda hava və quru missiyalarında əməkdaşlıq məqsədilə birgə döyüş təyyarəsi təlimi keçirib.
Təlim, Filippinin Anceles şəhərində təşkil edilib və regionda hava və quru əməliyyatlarının təkmilləşdirilməsinə yönəlib.
Təlimdə 12 ABŞ F-16 döyüş təyyarəsi, 9 Filippin döyüş təyyarəsi və 927 hərbçi iştirak edib. Filippin Hərbi Hava Qüvvələrinə məxsus Blackhawk helikopterinin də yer aldığı təlim, Yaponiya, Malayziya və Avstraliya kimi beynəlxalq tərəfdaşlarla əməkdaşlığın artırılmasını hədəfləyib.
Qeyd edək ki, bu birgə təlim, ABŞ və Filippin arasında hərbi əməkdaşlığı gücləndirmək və Hind-Sakit Okean bölgəsindəki təhlükəsizlik vəziyyətinə hazırlıq məqsədi daşıyır.