BAKI, AzerVoice
İranın cənub-şərqində yerləşən Sistan-Bəlucistan əyalətinin İranşəhr şəhərində 5,1 bal gücündə zəlzələ baş verib.
AzerVoice xəbər verir ki, bu barədə məlumat Tehran Universitetinin Seysmologiya Mərkəzi tərəfindən verilib.
Zəlzələnin episentri Sistan-Bəlucistan əyalətinin İranşəhr şəhərində yerləşib və yerli vaxtla saat 10:55-də qeydə alınıb.
Seysmoloqların məlumatına görə, zəlzələ yerin 28 kilometr dərinliyində baş verib. Hazırda tələfat və ya dağıntılarla bağlı rəsmi açıqlama verilməyib.
İran tez-tez seysmik aktivlik müşahidə edilən ölkələrdən biridir. Son illərdə ölkədə bir çox güclü zəlzələlər baş verib və bu təbii fəlakət nəticəsində müxtəlif bölgələrdə insan tələfatı və ciddi maddi ziyan qeydə alınıb.
Mütəxəssislər, bölgədə yaşayan əhalini ehtiyatlı olmağa və zəlzələ ilə bağlı təhlükəsizlik qaydalarına əməl etməyə çağırır.