Bakı,
AzerVoice
Ərəb Xalqları Sammitində ABŞ-ın keçmiş prezidenti Donald Trampın
fələstinliləri Qəzzadan köçürmə planı "Fələstin satılmır" şüarı ilə
qəti şəkildə rədd edilib.
AzerVoice xəbər verir ki, onlayn
keçirilən tədbirdə Trampın planının Fələstin xalqının mövcudluğunu
aradan qaldırmaq məqsədi daşıdığı bildirilib.
Qətnamədə bu planın yalnız Qəzzanı deyil, İordan çayının qərb
sahilini də hədəfə aldığı vurğulanıb.
Sammit iştirakçıları Trampın bəyanatlarını "yeni Balfour Bəyannaməsi" adlandıraraq, onun beynəlxalq hüquqa və BMT qətnamələrinə zidd olduğunu, bölgədə sülh və sabitliyə təhlükə yaratdığını bildiriblər.
Tunisin keçmiş prezidenti Monsef Mərzuki və digər ərəb siyasətçiləri Trampın planına qarşı çıxaraq, Fələstin xalqına dəstəyin zəruriliyini vurğulayıblar. Bəhreynli Cavad Fairuz "yeni Nekba" ilə üzləşdiyimizi, Mərakeşin keçmiş baş naziri Saadeddin al-Osmani isə planın açıq şəkildə "etnik təmizləmə" olduğunu bildirib.
Qeyd edək ki, Tramp Ağ Evdə İsrailin baş naziri Binyamin Netanyahu ilə birgə çıxışında Qəzzanın nəzarətə alınacağını və fələstinlilərin Misir və İordaniyada yeni yaşayış yerlərinə köçməsinin "ən yaxşı həll yolu" olduğunu iddia edib. O, Qəzzanın tamamilə məhv edildiyini və fələstinlilərin bölgəni tərk etməkdən başqa çarələrinin olmadığını bildirib.
