Bakı, AzerVoice

Qəzza fələstinlilərə məxsusdur və Fələstin ərazilərinin ayrılmaz hissəsidir, biz Fələstin xalqının məcburi köçkünlüyünə qarşıyıq.

AzerVoice xəbər verir ki, Çin Xarici İşlər Nazirliyinin sözçüsü Quo Ciakun Pekində keçirdiyi mətbuat konfransında Qəzzadakı vəziyyəti və Trampın Fələstin xalqını köçürmə planını dəyərləndirib.

Çinin Fələstin xalqının qanuni milli hüquqlarını əldə etməsini dəstəklədiyini vurğulayan sözçü Quo, "Qəzza fələstinlilərə məxsusdur və Fələstin ərazisinin ayrılmaz hissəsidir. Fələstin xalqının məcburi köçkünlüyünə qarşıyıq" - deyə vurğulayıb.

"Fələstin Fələstinlilər tərəfindən idarə olunmalıdır" prinsipinin Qəzzada müharibədən sonra yenidən qurulması üçün əsas olması lazım olduğuna inandıqlarını vurğulayan Quo, hazırkı şəraitdə beynəlxalq ictimaiyyətin, xüsusilə də böyük ölkələrin atəşkəs razılaşmasının həyata keçirilməsində konstruktiv rol oynamalı, humanitar yardım və yenidənqurma işlərini təşviq etməli olduğuna diqqət çəkdi.

Qeyd edək ki, fevralın 4-də Ağ Evdə İsrailin baş naziri Binyamin Netanyahu ilə birgə keçirdiyi mətbuat konfransında Tramp, ABŞ-ın Qəzza zolağına nəzarət edəcəyini və bölgənin sahibi olacağını bildirib.

Qəzzanın tamamilə dağıldığını qeyd edən Tramp, fələstinlilərin qonşu ölkələrdə, xüsusilə Misir və İordaniyada inşa ediləcək yeni yaşayış məntəqələrinə köçməsinin daha uyğun olacağını müdafiə edib.

Bundan əlavə, Tramp fələstinlilərin Qəzzanı tərk etməkdən başqa alternativlərinin olmadığını iddia edərək, bölgəni Yaxın Şərqin "Rivierasına" çevirmək istədiyini bildirib.