Bakı,
AzerVoice
Meksika prezidenti Claudia Sheinbaum, ABŞ Prezidenti Donald Trampın
qərarları əsasında deportasiya ediləcək meksikalı miqrantlar üçün
məşğulluq proqramları hazırladıqlarını bildirib.
AzerVoice xəbər verir ki , Meksika prezidenti Sheinbaum açıqlamasında "Əmək Koordinasiya Şurası ABŞ-dan deportasiya oluna biləcək meksikalılar üçün təxminən 35 min iş yeri təklif edib, bu vəzifələr müxtəlif sənaye sahələrini, xüsusilə də istehsal sektorunu əhatə edir", – deyə qeyd edib.
Meksikanın ən böyük biznes bloku olan Biznes Koordinasiya Şurası, 2000-dən çox təşkilatı təmsil edir.
Sheinbaum administrasiyası, Trampın siyasətinin yaratdığı çətinliklərə qarşı çıxmaq üçün "Plan Mexico" təşəbbüsünü hazırlayıb. Təşəbbüs Meksikanı dünyanın ən böyük 10 iqtisadiyyatından birinə çevirməyi, illik sərmayəni Ümumi Daxili Məhsulun (ÜDM) 25 faizinə çatdırmağı, 1,5 milyon əlavə iş yeri yaratmağı və material və məhsulları Meksikada istehsal etməklə. ən azı 50 faizinin idxalını artırmağı hədəfləyir,
Bu arada, Trampın deportasiya təcrübələri yalnız meksikalılarla
məhdudlaşmır. Qonşu ölkə olan Meksika, immiqrantlar üçün tranzit
ölkə funksiyasını da yerinə yetirir və başqa ölkələrdən gələn
miqrantları da qəbul edir. ABŞ-dan qovulmuş miqrantların Meksika
ərazisinə sıxışdırılması ehtimalı milyonlarla miqrantın ölkəyə axın
etməsi ilə bağlı narahatlıq doğurur.
Məlumata görə, Sheinbaum administrasiyası meksikalı olmayan
immiqrantlar üçün də hazırlıq görür. Belə ki, ABŞ sərhədində
deportasiya edilmiş qaçqın axınına qarşı müvəqqəti sığınacaqlar
qurulmağa başlanıb. ABŞ sərhədində yerləşən Matamoros, Reynosa və
Nuevo Laredo şəhərlərində artıq 2500 nəfərlik sığınacaqlar
tikilməyə başlanıb.
