BAKI,
AzerVoice
Dünya üzrə Türkiyəyə maraq artır.
AzerVoice xəbər verir ki, Türkiyənin xarici işlər naziri Hakan Fidan Türkiyənin dünya üzrə aktiv vasitəçi mövqeyini vurğulayıb.
Nazir Fidan bildirib ki, Türkiyəyə olan maraq beynəlxalq miqyasda durmadan artır, çünki Ankara müxtəlif platformalarda dəyişiklikləri diqqətlə izləyir və bu sistemdə öz baxışlarını paylaşan mühüm faktora çevrilib. Onun sözlərinə görə, Türkiyə BRİKS-lə yaxından maraqlanır və bu əməkdaşlıq istiqamətində fəaliyyətini davam etdirəcək.
“Soyqırıma son qoyulmalı, atəşkəsə əməl olunmalı və humanitar yardımlar təcili şəkildə bölgəyə çatdırılmalıdır. Biz bu istiqamətdə HƏMAS da daxil olmaqla bütün tərəflərlə əlaqə saxlamışıq və sülh üçün diplomatik səylərimizi davam etdirəcəyik.” - deyə Qəzzadakı vəziyyətə toxunan Fidan qeyd edib.
İran-İsrail gərginliyinə gəlincə, nazir qeyd edib ki, atəşkəs davam etsə də, nüvə danışıqları ilə bağlı hələlik qeyri-müəyyənlik hökm sürür.
