BAKI, AzerVoice

Türkiyə müdafiə sənayesi beynəlxalq əməkdaşlıq imkanlarını genişləndirir, LIMA-25 sərgisi çərçivəsində strateji tərəfdaşlıqlar ön plana çıxır.

AzerVoice xəbər verir ki, Türkiyə Prezidentinin Müdafiə Sənayesi üzrə Başçısı Haluk Görgün Malayziyada keçirilən LIMA-25 Beynəlxalq Müdafiə Sərgisində iştirak edib.

Görgün tədbir çərçivəsində etdiyi çıxışda Türkiyənin müdafiə sənayesi sahəsində qlobal miqyasda artan nüfuzuna diqqət çəkib və strateji əməkdaşlığın daha da dərinləşdiyini bildirib.

“Türkiyə müdafiə sənayesi inkişaf etdirdiyi yüksək texnologiyalı məhsullarla yalnız ölkəmizin deyil, həm də dost və müttəfiq ölkələrin təhlükəsizliyinə töhfə verməyə davam edir. LIMA-25 sərgisi bu vizyonumuzu beynəlxalq səviyyədə nümayiş etdirmək baxımından mühüm platforma oldu,” – deyə Görgün qeyd edib.

O əlavə edib ki, Prezident Rəcəb Tayyib Ərdoğanın rəhbərliyi ilə Türkiyə yerli və milli istehsal gücü sayəsində müdafiə sahəsində əməkdaşlığını genişləndirir, qlobal müdafiə ekosistemində daha fəal mövqe tutur.