Bakı, AzerVoice

Bizim ilk təyinatımız dost və qardaş ölkəmiz Azərbaycan olacaq.

AzerVoice xəbər verir ki, Türkiyənin Müdafiə Sənayesi Başçısı Haluk Görgün, KAAN milli döyüş təyyarəsinin inkişafı ilə bağlı verdiyi bəyanatında, layihənin zamanında irəlilədiyini və bəzi proseslərin planlaşdırılandan bir qədər daha sürətli getdiyini vurğulayıb. Görgün, ən qısa zamanda ən yaxşı nəticənin əldə olunacağına inandığını da qeyd edib.

Müdafiə sənayesi attaşeləri və ölkələrarası əməkdaşlıq barədə danışan Görgün, 23 ölkə üzrə müdafiə sənayesi attaşesinin fəaliyyətlərində irəliləyiş olduğunu və 22 ölkə üçün artıq təsdiqlər alındığını bildirib.

Görgün, bu ölkələrdə müvafiq kadrların təyin edilməsinin davam edəcəyini vurğulayıb və Türkiyənin müdafiə sənayesi sektorunun imkanlarının tamamlanmasının vacibliyini qeyd edib.

Azərbaycanın müdafiə sənayesi sektorundakı strateji yerinə xüsusi diqqət çəkən Görgün , "Bizim ilk təyinatımız dost və qardaş ölkəmiz Azərbaycan olacaq" ifadəsini işlədib. O, həmçinin, Pakistanda bir məsləhətçinin təyin edildiyini və bu prosesin tamamlanacağını bildirib. Görgün, Türk müdafiə sənayesi şirkətlərinin xarici ölkələrdəki istifadəçilərlə körpü quraraq, ixracat potensialı yüksək olan ölkələrdə fəaliyyətlərini daha da gücləndirəcəyini açıqlayıb.