BAKI, AzerVoice, Nailə Babazadə

Livan Səhiyyə Nazirliyi İsrailin 27 noyabr 2024-cü ildə yürürlüğə girən atəşkəs müqaviləsini pozaraq həyata keçirdiyi hücumlarda 335 nəfərin öldüyünü, 973 nəfərin isə yaralandığını açıqlayıb.

AzerVoice xəbər verir ki, İsrailə məxsus pilotsuz uçuş aparatı (PUA) ölkənin cənubunda Mansuri, Mecdel Zun və Zıbkin bölgələrinin üzərində aşağı irtifada uçuşlar həyata keçirib. Həmçinin bir PUA gecə saatlarında Hola qəsəbəsində bir evin üzərinə bomba atıb; hadisədə ölən və yaralanan olmasa da, maddi ziyan meydana gəlib.

Birləşmiş Millətlər Təşkilatının Livan Müvəqqəti Missiyası (UNIFIL) 20 noyabr tarixli açıqlamasında bildirilib ki, atəşkəsdən bəri hava hücumları ən az 7 500, torpaq əməliyyatları isə 2 500 dəfə pozulub. Hücumların məsulunun İsrail və ya Livan tərəfi olduğu açıqlanmayıb.

Qeyd edək ki, İsrail 8 oktyabr 2023-cü ildən başlayan hücumlarını davam etdirərək, 5 təpəni hələ də işğal altında saxlayır və uzun illərdən bəri nəzarətində olan bəzi bölgələrdəki mövcudluğunu qoruyur. Eyni zamanda, 2023-cü ilin oktyabr ayında başlayan və 2024-cü ilin sentyabrında genişlənən münaqişədə 4 mindən çox şəxs həyatını itirmiş, təxminən 17 min nəfər yaralanmışdı.