BAKI,AzerVoice

ABŞ prezidenti Donald Tramp bazar günü bildirib ki, Qəzza zolağında müharibəyə son qoymaq üçün irəli sürdüyü plan İsrail üçün böyük bir razılaşmadır.

AzerVoice xəbər verir ki, Tramp, “HƏMAS” hərəkatının onun 20 maddədən ibarət təklifinin əsas hissələrini müharibənin dayandırılması, İsrail qüvvələrinin Qəzzadan çıxarılması və israilli girovların azad edilməsi qarşılığında fələstinli məhbusların buraxılmasını - qismən qəbul etdiyini bəyan etməsini müsbət addım kimi qiymətləndirib.

“Əgər HƏMAS hakimiyyətdən imtina edib Qəzza üzərindəki nəzarəti təhvil verməsə, “tam məhvolma” ilə üzləşəcək”- deyə Tramp vurğulayıb.

Tramp CNN telekanalına açıqlamasında, İsrailin baş naziri Binyamin Netanyahunun atəşkəsə və ABŞ-ın ümumi baxışına razı olub-olmadığı sualına cavab verərək deyib ki, : “Bəli, Bibi ilə bu məsələdə eyni fikirdəyik.”

Bazar günü yayımlanan həmin müsahibədə Tramp əlavə edib ki, HƏMAS-ın sülhə sadiqliyinin tezliklə aydın olacağını gözləyir.

Respublikaçı senator Lindsi Qrehemin HƏMAS-ın Trampın planına cavabını “praktiki rədd” kimi qiymətləndirməsinə münasibət bildirən ABŞ prezidenti deyib.

“Görəcəyik. Zaman hər şeyi göstərəcək.”-deyə senator bildirib.

Digər tərəfdən, ABŞ-ın dövlət katibi Marko Rubio bazar günü bəyan edib ki, HƏMAS tərəfindən saxlanılan girovların azad olunması ilə bağlı razılaşma əldə edilərsə, İsrailin Qəzzadakı bombardmanlarını dayandırması zəruridir.

“Logistik detallarda razılıq əldə olunduqdan sonra, israillilər də daxil olmaqla, hamı anlayacaq ki, bombardman davam edərkən girovların azad edilməsi mümkün deyil. Buna görə də hücumlar dayandırılmalıdır.”- Rubio CBS News-a açıqlamasında deyib.

O, razılaşmanın “çox tez bir zamanda” əldə edilməsinin vacibliyini vurğulayıb.

İsrail mediası isə Netanyahunun bəyanatına istinadla yazıb ki, Trampın atəşkəs planının digər maddələri yalnız bütün girovlar - istər sağ, istər ölü - azad edildikdən sonra icra olunacaq. Əks halda, İsrail Qəzzaya hərbi hücumlarını bərpa edəcək.