BAKI, AzerVoice
Türkiyə Prezidenti Rəcəb Tayyib Ərdoğan, Fransa Prezidenti Emmanuel Makron ilə telefon danışığı aparıb.
AzerVoice-un məlumatına görə, söhbət zamanı Qəzzada baş verən son hadisələr və regiondakı ümumi vəziyyət müzakirə olunub.
Ərdoğan, söhbət zamanı Qəzzada humanitar böhranın getdikcə ağırlaşdığını və təcili həll yolları üçün beynəlxalq ictimaiyyətin hərəkətə keçməsinin zəruri olduğunu vurğulayıb.
Ərdoğan həmçinin İsrail-Fələstin münaqişəsinin sona çatmasının vacibliyini vurğulayıb və regionda davamlı sülh üçün iki dövlətli həllin yeganə çıxış yolu olduğunu qeyd edib.
Bununla yanaşı, Ərdoğan, Makrona Fransanın Fələstini dövlət kimi tanımasına dair qərarını alqışladığını bildirib.
Xatırladaq ki, iyunun 30-da Makron Ərdoğan ilə apardığı telefon danışığı zamanı onu Ramazan bayramı münasibətilə təbrik etmişdi və bayramın bütün İslam dünyası üçün xeyirli olmasını arzulamışdı.
Qeyd edək ki, Fransa Prezidenti Emmanuel Makronun bu ilin sentyabrında BMT Baş Assambleyasında Fələstin dövlətini tanıyacağını elan etməsi beynəlxalq aləmdə geniş müzakirələrə səbəb olub. Bu qərarla Fransa, G7 ölkələri arasında Fələstini tanıyan ilk böyük Qərb dövləti olacaq.
