BAKI, AzerVoice

Misir və ərəb ölkələri Qəzzada atəşkəs səylərini koordinasiya edir.

AzerVoice xəbər verir ki, Misirin xarici işlər naziri Bədr Əbdüləti Qətər, İordaniya, Bəhreyn, Əlcəzair, Oman və Küveytin xarici işlər nazirləri ilə telefon danışığı apararaq Qəzza zolağında atəşkəsə dair mövcud vəziyyəti və koordinasiyalı addımları müzakirə edib.

Görüşlər Misirin ərəb ölkələri ilə koordinasiya və məsləhətləşmə çərçivəsində aparılıb.

Tərəflər həmçinin Qətər və ABŞ-la birgə həyata keçirilən atəşkəsi bərpa etmək, məhbus mübadiləsini təmin etmək, Qəzzaya humanitar yardımın çatdırılması və münaqişədən sonrakı bərpa planlarını müzakirə ediblər.

Misir hökuməti atəşkəsdən sonra Qəzzanın yenidən qurulması ilə bağlı beynəlxalq konfransa ev sahibliyi etməyə hazır olduğunu bildirib.

Qeyd edək ki, ABŞ prezidenti Donald Tramp İsrailin 60 günlük atəşkəs şərtlərini qəbul etdiyini açıqlayıb. HƏMAS təklifə “müsbət cavab” verdiyini bildirib, İsrail isə bəzi maddələrə etiraz etməsinə baxmayaraq, danışıqları davam etdirmək üçün Dohaya nümayəndə heyəti göndərib.