İran Qətərlə münasibətlərini gücləndirməyə hazırdır - XİN müavini

BAKI, AzerVoice

İran, Qətərlə münasibətləri gücləndirməyə hazırdır və Dohanın regionda gərginliyin azaldılmasına yönəlmiş vasitəçilik səylərini yüksək qiymətləndirir.

AzerVoice xəbər verir ki, bu barədə İranın xarici işlər nazirinin müavini Məcid Taxt-Rəvançi Qətərin Xarici İşlər Nazirliyində dövlət naziri Məhəmməd əl-Xuleyfi ilə telefon danışığı zamanı bildirib.

“Taxt-Rəvançi İranla Qətər arasındakı dostluq və möhkəm münasibətlərə işarə edərək, İranın qarşılıqlı maraqlar və xoş qonşuluq prinsipi əsasında ikitərəfli əlaqələrin davam etdirilməsi və möhkəmləndirilməsinə sadiq olduğunu təsdiqlədi” - deyə, İranın dövlət tele-radio şirkətindən bildirilib.