BAKI, AzerVoice, Nərmin Ağayeva
Xorvatiya Türkiyədən aldığı Bayraktar TB2 silahlı pilotsuz uçuş aparatlarının (PUA) sınaq uçuşlarını həyata keçirir.
AzerVoice xəbər verir ki, Xorvatiya müdafiə naziri İvan Anusiç sosial media paylaşımında Silahlı Qüvvələr üzvlərinin Baykar təlim mərkəzində hazırlıq prosesini uğurla başa vurduğunu bildirib. Təlimlərin ardından ölkədə Bayraktar TB2 PUA-larının sınaq uçuşları başlayıb və yaxın günlərdə bu fəaliyyətlərin gecə-gündüz davam edəcəyi vurğulanıb. Nazir həmçinin PUA-ların sərhəd təhlükəsizliyi, kəşfiyyat, müşahidə və meşə yanğınları ilə mübarizə sahələrində əhəmiyyətli töhfələr verəcəyini qeyd edib.
Qeyd edək ki, Xorvatiya 2024-cü ildə Baykar ilə Bayraktar TB2 PUA-larının ixracını nəzərdə tutan müqavilə imzalayıb.