BAKI, AzerVoice
Egey dənizində 6 bal gücündə zəlzələ baş verib.
AzerVoice xəbər verir ki, bu gün səhər saatlarında Egey dənizində, Yunanıstanın Krit adası sahillərində 6 bal gücündə zəlzələ qeydə alınıb.
Türkiyənin Fövqəladə Halların İdarə Olunması Agentliyi (AFAD) məlumat yayıb ki, yerli vaxtla saat 06:19-da baş verən zəlzələnin dərinliyi 17,7 kilometr olub. Yeraltı təkanlar Muğlanın Datça rayonundan 166 kilometr məsafədə qeydə alınıb və İzmir daxil olmaqla ətraf vilayətlərdə də hiss edilib.
İlkin məlumatlara əsasən, zəlzələ nəticəsində hər hansı dağıntı və ya insan itkisi qeydə alınmayıb.
“Egey dənizində baş verən zəlzələdən sonra vilayətimizdə heç bir mənfi vəziyyət yaşanmayıb. 112 Təcili Yardım Mərkəzi, bölgə jandarma bölmələri və muxtarlarla əlaqə kanalları açıqdır. Hadisə diqqətlə izlənilir.” - deyə Muğla valisi Dr. İdris Akbıyık hadisə ilə bağlı açıqlamasında bildirib.
Qeyd edək ki, Egey bölgəsi tektonik cəhətdən aktiv zonalardan biridir və burada mütəmadi olaraq yeraltı təkanlar müşahidə olunur.
#DEPREM
— AFAD Deprem (@DepremDairesi) May 22, 2025
Büyüklük:6.0 (Mw)
Yer:Ege Denizi
Tarih:2025-05-22
Saat:06:19:36 TSİ
Enlem:35.80528 N
Boylam:25.95361 E
Derinlik:17.7 km
Detay:https://t.co/hRU3B4Y2Sg@afadbaskanlik @trthaber @anadoluajansi
