BAKI, AzerVoice
Rəcəb Tayyib Ərdoğan, Donald Tramp, Səudiyyə Ərəbistanının vəliəhdi Məhəmməd bin Salman və Suriya Prezidenti Əhməd Əl-Şaraa iştirakı ilə Ər-Riyadda Suriya mövzusunda dördtərəfli onlayn zirvə keçirilib.
AzerVoice xəbər verir ki, zirvə görüşündə çıxış edən Ərdoğan, Trampın Suriyaya qarşı tətbiq edilən sanksiyaların ləğvi barədə qərarını “tarixi əhəmiyyət daşıyan bir addım” kimi qiymətləndirib.
Xatırladaq ki, Tramp daha əvvəl Ərdoğanla görüşlərinə istinad edərək, ABŞ-ın Suriyaya qarşı sanksiyaları aradan qaldıracağını açıqlayıb.
Görüş zamanı regionda sabitliyin bərpası, Suriyada siyasi həll yolları, terrorla mübarizə və beynəlxalq əməkdaşlığın gücləndirilməsi məsələləri ətrafında fikir mübadiləsi aparılıb.
Ərdoğan çıxışında, xüsusilə İŞİD başda olmaqla, terror təşkilatlarına qarşı mübarizədə Türkiyənin Şam rejiminə dəstək verməyə davam edəcəyini vurğulayıb.
Zirvə görüşünün nəticələrinin bölgədə diplomatik dinamikanı sürətləndirəcəyi gözlənilir.
