Bakı. AzerVoice

İran bütün ciddi cəhdlərə baxmayaraq, hələ də Afrikada əsas olmayan oyunçudur. Tehra, Çin,Birləşmiş Ştatlarla müqayisədə geniş iqtisadi təsirə malik deyil. Hətta regional güclərlə müqayisədə Türkiyə və Səudiyyə Ərəbistanının təsiri İranı olduqca qabaqlayır.

Bu barədə AzerVoice Arab.AZ-a istinadən xəbər verir.

● İran Afrikada strateji təhlükəsizlik və iqtisadi maraqları, Səudiyyə Ərəbistanı və Türkiyə kimi güclərlə geosiyasi rəqabət, ABŞ və “İsrail”lə düşmənçilik kimi geniş perspektivə uyğun hərəkət edir. Qırmızı dənizdə və Aralıq dənizində daimi mövcudluğu təmin etmək, Qərbin sanksiyalarına qarşı çıxmaq üçün ticarət əlaqələrini təmin etməklə yanaşı, İranın Afrikada axtardığı əsas “dəfinədir”.

● İran Qərbin beynəlxalq təsirinə qarşı çıxmaq üçün Cənub və Şərq ölkələri ilə tərəfdaşlığı gücləndirmək siyasətinin bir hissəsi olaraq Cənubi Afrika ilə artan diplomatik tərəfdaşlıq və müdafiə əməkdaşlığına malikdir. Əlcəzair qitənin şimalında İranın əlaqələrinin sütununu təmsil etdiyi halda, Tehran Misirlə münasibətlərin normallaşdırılması, təlatümlü Liviyada özünə yer tapmaq, habelə Mərakeşlə düşmənçiliyə yaxınlaşan gərginliklə bağlı böyük problemlərlə üzləşir.

● İran Afrikanın Sahel bölgəsində Fransa və Qərb güclərinin buraxdığı boşluqdan istifadə etməyə çalışır. Qərbin sanksiyaları ilə üz-üzə qalan və hərbi liderlərinin Qərbin müstəmləkəçilik siyasətinə düşmən mövqedən yanaşması fonunda Tehranın Afrikadakı nüfuzunun təhlükəsizliyini və siyasi cəhətdən artıracağı gözlənilir. Bu da bəzi Afrika ölkələrinin İrana açıqlıq tempini sürətləndirəcək. Afrika sahillərindəki hərbi hökumətləri Rusiyaya bənzər təhlükəsizlik xidmətləri ilə təmin edə bilən anti-Qərb qüvvəsi kimi təqdim edir.

● İranın Afrika ilə ticarətinin həcminin artacağı gözlənilir, lakin çox güman ki, elan edilmiş hədəf səviyyələrə çatmayacaq.

● İranın Afrikadakı təsiri rəsmi siyasi, təhlükəsizlik və iqtisadi əlaqələrin strukturu ilə məhdudlaşmır; İran qitədəki təsirinin bəzi aspektlərini qeyri-ənənəvi vasitələrlə, məsələn, rəsmi vətəndaş institutları vasitəsilə şiəliyi yaymaq, həmçinin Livan, İraq, Hindistan və Pakistan şiə icmalarının fəaliyyəti və İranın müttəfiqlərinin şəbəkələri vasitəsilə idarə etməyə meyllidir.

● İran 2024-cü il aprelin 27-dən 29-na kimi 40-dan çox Afrika ölkəsi ilə ikinci iqtisadi konfransa ev sahibliyi etdi və bu konfransın məqsədi Afrika ölkələri ilə iqtisadi əməkdaşlığı genişləndirməkdir. Bununla belə, Zimbabvenin vitse-prezidenti Çivenqa istisna olmaqla, Afrika dövlət başçılarının iştirak etmədiyi qeyd edilib. Bu, ABŞ, Rusiya, Çin, Türkiyə, Səudiyyə Ərəbistanı, İngiltərə və hətta Fransanın keçirdiyi oxşar konfranslarla müqayisədə iştirak və təmsilçilik səviyyəsini yüksəltməkdə Tehranın üzləşdiyi siyasi çətinliklərin göstəricisidir . Konfrans təxminən bir ərzində keşirilən ikinci toplantıdır, belə ki, İran bundan əvvəl 2023-cü ilin mart ayında Qərbi Afrika ölkələrinin bir sıra səfirləri ilə daha bir iqtisadi toplantı təşkil edib və bu toplantının məqsədi də həmin ölkələrlə iqtisadi əməkdaşlığı yüksəltmək olub.

•Bu iqtisadi bloklar İran prezidenti İbrahim Rəisinin dövründə İran siyasətində güclənən tendensiyanın göstəricisi hesab olunur . O, hakimiyyətə gəldikdən sonra bir çox Afrika ölkəsinə səfər etdi və Keniya, Uqanda və Zimbabve də daxil olmaqla həyati əhəmiyyətli sahələrdə bir çox müqavilələr imzaladı. Bu, keçmiş prezident Həsən Ruhaninin yoxluğundan və prioritetlərlə, xüsusilə də nüvə razılaşması, İraqda İŞİD-ə qarşı mübarizə və Suriyada hərbi yerləşdirmə ilə məşğul olmasından sonra Afrika qitəsinə qayıdış hesab edilir. Beləliklə, Rəisi əvvəllər Afrika qitəsini xarici maraqları sırasında yerləşdirən Əhmədinejadın yanaşmasını bərpa edirdi.

•İran Afrika ilə ticarətinin həcmini 2021-ci ildə 1,28 milyard dollar təşkil edən cari ticarətindən 10 dəfə artıraraq 12 milyard dollara çatdırmağı hədəfləyir . Bununla o, ABŞ prezidenti Donald Trampın 2018-ci ilin mayında nüvə sazişindən çıxmasından və İrana iqtisadi sanksiyalar tətbiq etməsindən sonra onu iqtisadi və siyasi cəhətdən təcrid etmək səylərinə meydan oxumağı hədəfləyir . 2018-ci ildə İranın ümumi ixracının 63,5% -ni Rusiyanın payına düşüb.

İranın Afrika qitəsində mövcudluğunun coğrafiyası

• İran Afrikada Səudiyyə Ərəbistanı və Türkiyə kimi güclərlə geosiyasi rəqabətdən ayrılmayan və ya ABŞ və “İsrail” kimi düşmənləri ilə qarşıdurmada olan strateji təhlükəsizlik və iqtisadi maraqları birləşdirən geosiyasi perspektivə görə hərəkət edir .

• İran Afrika qitəsindəki strateji yerləri prioritetlərinə daxil edir, məsələn, Şərqi Afrika regionu və Afrika Buynuzu ilə maraqlanaraq, diqqətini Ədən körfəzi, Ərəbistan dənizi və Qırmızı dəniz sahillərinə yönəldir. Sadalana regionlar onun hərbi və təhlükəsizlik fəaliyyəti üçün əhəmiyyət daşıyır. Bab əl-Məndəb boğazı Şərq və Qərb arasında hərbi gəmilərin marşrutunun və hərəkətinin, eləcə də beynəlxalq ticarət gəmilərinin hərəkətinin qısaldılmasında coğrafi əhəmiyyətinə görə beynəlxalq güclər arasında rəqabətin mərkəzi hesab olunur.

• İranın Bab əl-Məndabda mövqe tutmaq cəhdləri neft və qazın keçdiyi Hörmüz və Bab əl-Məndab boğazlarına təsir göstərmək qabiliyyəti ilə qlobal ticarətə təsir göstərmək məqsədi daşıyır . Gündə təxminən 4,8 milyon barel neft Bab əl-Məndəb boğazından, təxminən 18,5 milyon barrel isə Hörmüz boğazından keçir ki, bu da iki boğaza eyni zamanda nəzarəti istənilən ölkə üçün böyük təsir mənbəyi edir.

• Buna görə də İran qitədəki hərəkətlərində Afrika Buynuzu və qitənin şərqini əsas prioritetlər sırasına salıb. Bu, Vaşinqton tərəfindən təsdiqlənən Tigray müharibəsində Efiopiyada Abiy Əhmədə verilən hərbi dəstəkdə aydın görünür. Sudan ordusunun Sürətli Dəstək Qüvvələri ilə apardığı müharibədə Sudan ordusunun ehtiyaclarını ödəmək üçün Hərbi avadanlıq və pilotsuz təyyarələr təmin etdikdən sonra Sudandakı səfirliyini yenidən açdıqdan sonra İranın Qırmızı dənizdə hərbi baza qurmaq həvəsinə düşdü.

• Digər tərəfdən, İran Aralıq dənizini strateji addımlarının zirvəsinə qoyur, lakin o, Avropa İttifaqının və “İsrailin” yarardığı problemlərlə üzləşir.İranın hərbi fəaliyyətinə və Livan və Suriyadakı agentlərinə baxmayaraq, Aralıq dənizinə baxan hərbi dəniz bazası yoxdur. İranın bir çox hərbi və təhlükəsizlik rəhbərləri İranın Qırmızı dəniz və Aralıq dənizi ətrafında hərbi mövcudluğunu genişləndirmək zərurətini qeyd ediblər . İranın Ali Rəhbərinin yüksək səviyyəli hərbi məsləhətçilərindən biri general-mayor Yəhya Rəhim Səfəvi bəyan edib ki, İnqilab Keşikçiləri Korpusunun dəniz və hava qüvvələri Qırmızı və Aralıq dənizi Bəhreyndə mövqeləşdirməyə diqqət yetirməlidir. O, sonuncunu (Bəhreyni) İranın strateji dərinliyinin bir hissəsi kimi xarakterizə edib. İran İnqilab Keşikçiləri Qvardiyasının koordinasiya komandiri , briqada generalı Məhəmməd Rza Nəqdi daha əvvəl 2023-cü ilin dekabrında təhdid etmişdi ki, “müqavimət oxu” Aralıq dənizində Cəbəllütariq boğazı ətrafında dəniz nəqliyyatını poza bilər.

• İran Şimali Afrika ölkələri ilə möhkəm əlaqələr qurmağa çalışır və Əlcəzair bu addımlarda dayaq rolunu oynayır , çünki Tehranda həbs olunan girovlar fonunda Amerika və İran arasında vasitəçilik etdiyi vaxtdan bəri onunla tarixi əlaqələri var. Lakin digər tərəfdən, İranın bu cəhdi Misirlə münasibətlərin normallaşdırılması və təlatümlü Liviyada özünə dayaq tapmaqda böyük çətinliklərlə, eləcə də İsrailin Şimali Afrikadakı təhlükəsizlik müttəfiqi olan Mərakeşlə düşmənçiliyiin olması səbəbindən ciddi gərginliklə üzləşir.

• İran yerli valyuta ilə ticarət pərdəsi altında , birgə layihələr və kommersiya fəaliyyətləri vasitəsilə Qərbin sanksiyaları ilə üzləşən ölkələrlə əlaqələr qurmağa çalışır . Məsələn Tehranda Zimbabvedən neft müqabilində uran alıb. İranla Zimbabvenin yaxınlaşması İran prezidenti Rəisinin hakimiyyətə gəlişindən sonra ölkəyə səfərində aydın

• Afrika qitəsinin başqa bir coğrafi bölgəsində İran Fransa və Qərb dövlətlərinin Afrika Sahel bölgəsində buraxdığı boşluqdan istifadə etməyə çalışır . Məsələn, İranın Nigeriya ordusunu pilotsuz uçan aparatlar və portativ hava hücumundan müdafiə raketləri ilə təmin etməsi müqabilində Nigeriyanın baş nazirinin ötən ilin yanvarında Tehrana səfəri zamanı Nigerin İrana uran tədarük etmək razılaşması ilə bağlı fərziyyələri artırıb. Tehran həmçinin Burkina Fasoda neft emalı zavodu tikməyi və Qərbi Afrika ölkələrinə enerji sahəsində dəstək verməyi təklif edir.

İranın Afrikadakı qeyri-ənənəvi alətləri

• Mövcud rəsmi münasibətlərin strukturu əsasında İranın Afrika qitəsindəki rolunu və təsirini təhlil etmək və anlamaq kifayət olmamaqla yanaşı, yanlış nəticələrə gələ bilər . İran Afrika qitəsinə təsirinin bəzi aspektlərini qeyri-ənənəvi vasitələrlə, lakin uğurlu və təsirli şəkildə idarə etməyə meyllidir.

• Buna görə də İranın mövcudluğu Livan Hizbullahı, Tanzaniya və Nigeriyadakı Afrika şiə qrupları və İran təsisatları ilə əlaqəli və ya maliyyələşdirilən və Afrika qitəsinin qərb bölgəsində yayılmış digər vətəndaş cəmiyyəti institutları kimi agentlər vasitəsilə də aydın görünür. İbrahim Əl-Zəkzakinin rəhbərlik etdiyi Nigeriyada Şiə İslam Hərəkatı Fondu buna bariz nümunədir.

• İran, Afrikadakı mövcudluğunu gücləndirmək üçün daha geniş strategiyasının bir hissəsi olaraq, rəsmi və vətəndaş institutları vasitəsilə Afrikada şiəliyi yaymağa çalışır ki, Tehrana ideoloji cəhətdən sadiq möhkəm əsaslara malik olsun və Afrikada yerli təsirini gücləndirmək üçün onlara arxalana bilsin.

İran öz inqilabi gündəminə iqtisadi, siyasi və dini şəraitdən şikayət edən müsəlman gəncləri cəlb edərək, ( eləcə də sosial ədalətsizlik) Afrika müsəlman ölkələrində öz ideologiyasını yayır.
Məsələn Nigeriyada İbrahim Əl-Zəkzaki şiəliyi qəbul etdikdən sonra bu ölkədə populyar olan Seyid Qutb tərəfdarları ilə ideoloji yaxınlıq görən Müsəlman Tələbələr Cəmiyyəti (MSSN) Əl-Zəkzakini dəstəkləməyə başlayıb. Xomeyni ideyalarından bəhrələnən və bir başa İran agenturasına çalışan Əl-Zəkzaki 2015-ci ildə orduya qarşı qanlı qarşıdurmalara girən Nigeriyanın şimalında hərbiləşdirilmiş təşkilatın nüvəsini qura bildi.

• İranın təsirinin mühüm cəhətlərindən biri də Livan, İraq, Hindistan və Pakistan şiə qruplarının həyata keçirdiyi aktivlikdir. Bu qruplar icmaların əhatəsində İranın müttəfiqlərinin qitədəki hərəkətini asanlaşdıran baza və şəbəkələr kimi hərəkət edirlər. Maraqlısı odur ki, Hizbullaha yaxınlığı ilıə tanınan bir çox Livan şirkətləri və eləcə də fərdi şəxslər,Afrika qitəsinin şərqində və qərbində yerləşən ölkələrlə iqtisadi tərəfdaşlıq qura bildilər ki, bu da iqtisadi sanksiyalardan yayınmasını asanlaşdırmaqla yanaşı, Hizbullaha finans əldə etməyə imkan verdi. İran həmçinin rəqibləri və düşmənləri haqqında kəşfiyyat məlumatlarına daxil olmaqdan və bəzi Afrika ölkələrində təhlükəsizlik əməliyyatlarına xidmət etmək üçün agentlər cəlb etməkdən də faydalanır.

• Livan Hizbullahı Syerra Leone, Qambiya, Konqo Demokratik Respublikası, Qabon və Fil Dişi Sahilində, Qabondakı Yaxın Şərq və Afrika Bankı (MEAB) kimi müxtəlif iqtisadi fəaliyyətlər şəbəkəsini dəstəkləyir. Hizbullah iş adamları həm də əməkdaşlıq edən şirkətlərin mürəkkəb şəbəkələri vasitəsilə mədənçıxarma sahəsinə girmiş və onu Afrikadan kənara ixrac etmişlər və onların bir çoxunun Konqo Demokratik Respublikasındakı Tac al-Din ailəsi kimi hökumətlərlə güclü əlaqələri var. Şiə qruplarına bağlı olan bu iqtisadi şəbəkələr və qurumlar İranın Afrikada təsir sahəsinin açılmasında rol oynayır.