FOTO- Kataeb Hizbullah üzvləri 2023-cü il dekabrın 26-da ABŞ-ın hava hücumunda öldürüldükdən sonra Bağdadda həlak olan qruplaşma üzvlərinin cənazəsini aparırlar.

Bakı,AzerVoice

İraqda İrana bağlı olan “Kataeb Hizbullah” qruplaşması Vaşinqton üç əsgərinin ölümü ilə nəticələnən pilotsuz təyyarə hücumuna “çox təsirli” cavab verəcəyini vəd etdikdən sonra ABŞ əsgərlərinə qarşı hücumlarını dayandırıb. AzerVoice xəbər verir ki , bu haqda qruplaşma öz rəsmi internet səhifəsində yazıb.

Məlumat üçün bildirək ki , Birləşmiş Ştatlar bazar günü İordaniyanın ucqar səhra sərhəd bazasına pilotsuz uçan aparatların hücumuna görə "Suriya və İraqda fəaliyyət göstərən İranın dəstəklədiyi radikal silahlı qruplaşmaları" günahlandırıb.

Oktyabrın 7-də İsrail-HƏMAS müharibəsinin başlamasından sonra hücumda ilk Amerika hərbçisinin ölümü ABŞ-da seçki ilinin əvvəlində Vaşinqton və Tehran arasında gərginliyi artırdı.

ABŞ prezidenti Co Bayden administrasiyası rəsmilərin hücumdan uzaqlaşmağa çalışdığı İranla müharibə istəmədiyini bəyan edib.