BAKI, AzerVoice, Səməd Əyyubov
"OPEK plyus"-a daxil olan ölkələrindən səkkizi dünya neft bazarındakı vəziyyəti qiymətləndirmək üçün görüş keçirib.
AzerVoice-un məlumatına görə, görüş onlayn formatda baş tutub.
Qrup sabit iqtisadi perspektivlərə və bazarın əlverişli fundamental göstəricilərinə əsaslanaraq hasilata əlavə düzəliş barədə qərar qəbul edib. Belə ki, 2023-cü ilin aprel ayında elan olunmuş gündəlik 1,65 milyon barellik könüllü azaldılmaya əlavə olaraq hasilat gündə 137 min barel də azaldılacaq. Bu dəyişiklik cari ilin oktyabrından qüvvəyə minəcək və bazar şəraitindən asılı olaraq həcmlərin tədricən bərpasına imkan veriləcək.
Ölkələr 2023-cü ilin noyabr ayında elan olunmuş gündəlik 2,2 milyon barellik ixtisar da daxil olmaqla əvvəlki könüllü ixtisarların dayandırılması və ya ləğvi baxımından elastiklik nümayiş etdirdiklərini vurğulayıblar. Onlar həmçinin ötən ilin yanvarından bəri istənilən artıq hasilatı tam şəkildə kompensasiya etməyi öhdələrinə götürüblər.
Qeyd edək ki, görüşdə Rusiya, Səudiyyə Ərəbistanı, İraq, BƏƏ, Qazaxıstan, Əlcəzair, Oman və Küveyt iştirak edib.