"Brent" markalı neftin qiyməti iyunun 11-dən bəri 68 dollardan aşağı düşüb

BAKI, AzerVoice

"Brent" markalı neftin cari ilin avqust ayı üçün fyuçerslərinin qiyməti Londonun ICE birjasında iyunun 11-dən bəri ilk dəfə olaraq bir barel üçün 68 dollar səviyyəsindən aşağı düşüb.

AzerVoice xəbər verir ki, bu barədə ticarət məlumatları göstərir.

Birjanın Bakı vaxtı ilə saat 10:25-ə olan məlumatına görə, "Brent" markalı neftin qiyməti 3,89 faiz azalaraq bir barel üçün 67,9 dollar olub.

Saat 10:29-a olan məlumata görə isə, "Brent" neftinin fyuçersi ucuzlaşmanı sürətləndirərək 67,7 dollar səviyyəsinə düşüb, "WTI" markalı neftin bu ilin avqust ayı üçün fyuçersi isə 3,13 faiz azalaraq bir barel üçün 64,78 dollar təşkil edib.