BAKI, AzerVoice
ABŞ-ın aparıcı ödəniş sistemlərindən biri olan "Mastercard Inc.", "Fiserv Inc." şirkətinin "FIUSD" adlı steyblkoinini öz ödəniş məhsullarına inteqrasiya etmək üzərində çalışır.
AzerVoice xəbər verir ki, bu barədə MarketWatch saytı məlumat yayıb.
Belə ki, "Mastercard" və "Fiserv", "FIUSD" steyblkoininə bağlı ödəniş kartları buraxmağı planlaşdırır. Bu kartlar vasitəsilə istehlakçılar və bizneslər "Mastercard" qəbul edilən istənilən yerdə "FIUSD" ilə ödəniş edə biləcəklər.
Xatırladaq ki, kriptovalyutalar qismən ticarətçilər və istehlakçılar üçün əməliyyat xərclərini "Mastercard" və "Visa Inc." kimi ənənəvi ödəniş sistemlərinə nisbətən azaltmaq məqsədilə yaradılmışdı. Lakin indi bu ənənəvi sistemlərin özləri də rəqəmsal valyuta texnologiyasının liderləri ilə əməkdaşlıq edir və getdikcə daha populyarlaşan kripto əsaslı məhsullar təklif etməyə başlayırlar.
Maliyyə texnologiyaları və bank xidmətləri sahəsində ixtisaslaşan "Fiserv şirkəti" bu bazar ertəsi günü "Circle Internet Group Inc." və "Paxos Trust Co." ilə əməkdaşlıq çərçivəsində öz stabilkoini olan "FIUSD"nin buraxıldığını elan edib. Şirkət həmçinin "PayPal Holdings Inc." ilə "FIUSD" və "PayPal"ın "PYUSD" stabilkoini arasında gələcək əməliyyat uyğunluğu yaratmaq üzərində çalışdığını bildirib. Bu uyğunluq həm ABŞ daxilində, həm də beynəlxalq pul köçürmələrini əhatə edəcək.
