Bakı,AzerVoice

İran prezidenti İbrahim Rəisinin vəfatından sonra ölkənin idarəçiliyi ilə bağlı suallar qaldırılarkən, ən çox xatırlanan adlardan biri də Ali Rəhbərin oğlu Müctəba Xameneyi olub.

Rəsmi rolu olmasa da, ölkənin ən nüfuzlu simalarından biri kimi görünən Müctəba bir çox iranlılar üçün sirr olaraq qalır. Çünki o, nə camaat arasında tez-tez görünür, nə də çıxış edir.

Dünyada bir çox ekspetlər hesab edir ki, Müctəba atası Əlinin yerini alacaq.

Heç bir rəsmi statusu və vəzifəsi olmayan Müctəba mərhum rpezident Rəisinin dönəmində kəşfiyyat və təhlükəsizlik strukturlarında təsirini artırıb.

Əslində İranın Ali Rəhbərliyinə hazırlaşdığı rəisinin namizəd olacağı düşünülürdü.Helikopterin qəzaya uğraması ilə Rəisinin aradan qaldırılması haqqında ehtimallar daha da çoxalmaqdadır.

Lakin, Müctəbanın atasının yerini ala bilməyəcəyi haqda görüşlər  mövcuddur.

Son 20 ildə İranın idarəsi faktiki olaraq, Müctəba və onun ətrafındakı şəbəkənin nəzarəti altındadır. Hazırda Əli Xameneyi üçün əsas məsələ öz yerinə olacaq namizədin Rəisi ilə eyni xüsusiyyətlərə malik olan birini tapmaqdır. Ehtimal edilir ki, Müctəba atasının yerinə keçməsin və ora simvolik bir şəxs seçilsin və Müctəba əvvəl olduğu kimi də ölkəni idarə etsin.

Dİgər bir tərfədən Müctəbanın iyunun sonunda keçirilməsi planlaşdırılan prezident seçkilərində mühüm rol oynayacağı gözlənilir.

İranın müvəqqəti prezidenti Məhəmməd Muhbirin Müctəbaya sadiq bir ad olduğu da vurğulanır. 68 yaşlı Muhbir seçkilərə qədər bütün məsələləri müəyyən edəcək üç nəfərdən ibarət şuranın üzvüdür.

O, 15 ilə yaxın müddətdə Ali Rəhbərə bağlı milyard dollarlıq investisiya fondu olan “Setad”ın sədri olub.

Müctəbanın yeni Ali Rəhbər olmaq istəyi ilə bağlı fikirlərin tam bir mif olduqunuda söyləyən siyasi ekpertlər var. Onlar hesab edirlər ki, Müctəbanın inzibati təcrübəsi və dini səriştəsi də bu vəzifəyə uyğun hesab edilmir.

Onlar hesab edirlər ki, mühüm qərarların qəbul olunduğu yerlərdə onilliklər təcrübəsi qazanmış Müctəbanın rejimlə əlaqələri unikaldır. Lakin onun təyinatı Xamneyinin mirasını ləkələyərək monarxiyanı geri qaytaracaq.

Bəzi ekspertlər həmçinin bildirirlər ki, Əhməd Xomeyni Müctəba Xameneidən güclü görünürdü, lakin 1989-cu ildə atası vəfat etdikdən sonra hər şey dəyişdi.