BAKI,AzerVoice, Nailə Babazadə

Yuxuda təyyarə görmək, qarşınıza çıxmış və ya gələcəkdə çıxa biləcək bütün maneələri aşacağınıza, problemlərin öhdəsindən gələrək həyatınızda yenidən nüfuz və etibar qazanacağınıza işarədir. Bundan sonra daha şüurlu davrana, ətrafınızdakı bütün gözəlliklərin və fürsətlərin fərqinə vararaq əvvəlkindən daha azad yaşaya bilərsiniz. Yuxuda təyyarə görmək eyni zamanda müəyyən bir məsələyə daha geniş prizmadan baxmalı olduğunuza yozulur. Əgər təyyarəni havaya qalxarkən görmüsünüzsə, uzun zamandır planlaşdırdığınız bir layihəni artıq həyata keçirməyin vaxtının gəldiyini göstərir.

Təyyarə görmək həm də xoş xəbər kimi yozulur. Sizi çox sevindirəcək bir xəbər alacağınıza, bu xəbərin sizi xeyli rahatladacağına və özünüzü quşlar qədər azad hiss edəcəyinizə işarə edir.

Yuxuda Təyyarənin Düşməsi

Yuxuda təyyarənin düşməsi, içinizdəki qaçmaq və problemlərdən qurtulmaq ümidlərinizin azaldığına işarədir. Eyni zamanda həyatınızla bağlı yeni bir başlanğıc üçün plan qurmusunuzsa, bu planların alınmaya biləcəyinə və onları yenidən gözdən keçirməli olduğunuza yozulur.

Yuxuda Təyyarə İdarə Etmək

Yuxuda təyyarə idarə etmək, həyatınızın idarəsini öz əlinizə alacağınıza, tamamilə öz qərarlarınızla həyatınıza yeni istiqamət verəcəyinizə yozulur. Həmçinin yeni həyatınızda yanınızda olmasını istədiyiniz insanları asanlıqla inandıra biləcəyinizi göstərir.

Yuxuda Təyyarə Qəzası

Yuxuda bir təyyarənin qəzaya uğradığını görmək, təyyarənin düşməsi kimi yozulur. Yeni bir başlanğıc üçün plan qurmusunuzsa, bu planda bəzi əngəllər ola bilər. Əgər qəzada böyük zərər yoxdursa, bütün çətinliklərə baxmayaraq planınızı davam etdirəcəyiniz anlamına gəlir.

Yuxuda Təyyarəyə Minmək

Yuxuda təyyarəyə minmək, özünüzü həyatın axarına buraxmağı simvolizə edir. Əgər təyyarə real həyatda getmək istədiyiniz gözəl bir yerə gedirsə, bu, həyatın axarına güvənməli olduğunuzu göstərir. Əksinə, təyyarəyə məcburən minirsinizsə, getmək istəmədiyiniz yerə gedirsə və ya tərəddüd edirsinizsə, bir az daha planlı yaşamağınız gərəkdiyinə yozulur.

Yuxuda Təyyarənin Qaçırılması

Yuxuda təyyarənin quldurlar tərəfindən qaçırıldığını görmək, şüuraltınızda sizi narahat edən düşüncələrin olduğuna işarədir. Keçmişdə yaşanan bir hadisə və ya bir insana qarşı hiss etdiyiniz güclü duyğular zehninizi qarışdıra bilər.

Yuxuda Təyyarə Bileti

Yuxuda təyyarə bileti aldığınızı və ya axtardığınızı görmək, həyatınızda dəyişiklik etmək istədiyinizə işarədir. Hara gedəcəyinizə qərar verə bilmirsinizsə, həyatınızda nə etmək istədiyinizə tam əmin olmadığınızı göstərir.

Yuxuda Təyyarəni Qaçırmaq (Vaxtını Ötmək)

Əvvəlcədən bilet alınmış bir təyyarəyə gecikmək, şəxsi və ya iş həyatınızda özünüzü çıxılmaz vəziyyətdə hiss etdiyinizə işarə edir. Bu yuxu həm də həyatınızın bir sahəsindən uzaqlaşdığınızı göstərir.

Yuxuda Bir Təyyarədən Digərinə Keçmək

Bu yuxu, hazırkı həyat tərzinizin sizə zərər verdiyini anlayacağınızı və bəzi dəyişikliklər edəcəyinizi göstərir. Hədəfinizə çatmaq üçün bir neçə fərqli yol sınamalı olduğunuzu bildirir.

Yuxuda Çox Sayda Təyyarə Görmək

Bu, həyatınızda yeni başlanğıclar üçün çoxlu fürsətlərin olduğunu göstərir. Hansı təyyarəyə minəcəyinizə qərar verə bilmirsinizsə, fürsətlər arasında seçim etməkdə çətinlik çəkirsiniz deməkdir.

Yuxuda Təyyarədə Yatmaq

Həyatınızda fərqində olmadan bir dəyişiklik olacağına işarədir. Eniş zamanı oyandığınızı görmək, sizi gözləyən sürpriz bir dəyişiklik deməkdir.

Yuxuda Təyyarədə Yemək Yemək

Həyatınızda edəcəyiniz bir dəyişiklik üçün qərarlı olduğunuzu, lakin bu prosesdə keçmiş üçün kədər hiss edə biləcəyinizi göstərir.

Yuxuda Təyyarənin Dənizə Düşməsi

İstəmədiyiniz bir işi məcburən görməli olacağınıza işarədir. Bu vəziyyətdən tez qurtulmaq üçün tələskən davranacağınızı göstərir.

Yuxuda Təyyarənin Partlaması

Kədər, sıxıntı və ağır düşüncələrə yozulur. Uğursuzluq səbəbilə özünüzü çox yorğun və gücsüz hiss edə bilərsiniz.

Yuxuda Təyyarə Nasazlığı

Talehsiz bir hadisə səbəbilə bəzi fürsətləri qaçıracağınıza işarədir.

Yuxuda Təyyarə Qanadında Uçmaq

Azadlığına çox düşkün olduğunuzu və həyatınıza başqalarının müdaxilə etməsinə icazə vermədiyinizi göstərir.

Yuxuda Təyyarə ilə Səyahət Etmək

Daha yaxşı həyat şəraiti arzuladığınıza və bunun üçün çalışdığınıza işarə edir.

Yuxuda Təyyarə Qəzasında Ölmək

Sıxıntı, narahatlıq və daxili qorxuların artmasına yozulur.

Yuxuda Təyyarə Uçurmaq

Çox böyük və önəmli bir layihənin rəhbəri olacağınıza işarədir.

Yuxuda Təyyarə Təmir Etmək

Nadir qabiliyyətlərə sahib olduğunuza və iş bacarığınızla seçildiyinizə dəlalət edir.

Yuxuda Təyyarə Bələdçisi (Stüardessa) Olmaq

Həyəcanlı, riskli işləri sevdiyinizi göstərir.

Yuxuda Pilot və Təyyarə Görmək

Etdiyiniz işlə diqqət mərkəzində olacağınıza və hörmət qazanacağınıza işarədir.

Yuxuda Təyyarə və Aeroport Görmək

Böyük qazanc gətirəcək bir işə sərmayə qoyacağınıza yozulur.

Yuxuda Hərbi Təyyarə Görmək

Təhsil və karyerada yüksəlişə işarə edir.

Yuxuda Təyyarə Almaq

Gələcəkdə çox varlı bir insan olacağınıza dəlalət edir.

Yuxuda Təyyarə Qalıqları Görmək

Xəyal qırıqlığı və uğursuzluğa yozulur.

Yuxuda Qara Təyyarə Görmək

Yarımçıq qalacaq bir işə, lakin sonradan sevindirici bir hadisəyə işarə edir.

Yuxuda Təyyarələrin Toqquşması

İki insan arasında ciddi anlaşmazlıq yaşanacağına yozulur.

Yuxuda Təyyarə Gözləmək

Böyük həyəcan və səbirsizliklə gözlənilən bir hadisəyə işarədir.

Yuxuda Oyuncaq Təyyarə Görmək

Addım-addım, risk almadan irəliləyəcəyiniz bir işi simvolizə edir.

Yuxuda Təyyarə Bileti Axtarmaq

Həyatınızda yeniliklər etmək istədiyinizi göstərir.

Yuxuda Döyüş Təyyarəsi Görmək

Qorxular, mənfi düşüncələr və yanlış bir münasibətə başlama ehtimalına işarə edir.

Yuxuda Təyyarə Endirmək

Çətin işlərə cəsarətlə girişib sonda uğur qazanacağınıza yozulur.