BAKI,AzerVoice

Yuxuda arı görmək çox vaxt bərəkət, ruzi və çalışqanlıqla əlaqələndirildiyini bildirirlər. Ənənəvi yozumlara görə, arı obrazı həyatın müxtəlif sahələrində uğur, zəhmətin qarşılığını almaq və kollektiv işdə nizam-intizam deməkdir.
Yozumçuların fikrincə, yuxuda arı görmək insanın yaxın günlərdə sevindirici xəbərlər alacağına işarədir. Xüsusən də arı sürüsü görmək ruzi və qismətin açılması, yeni iş imkanlarının yaranması ilə əlaqələndirilir. Yuxuda arı pətəyi isə ailə həyatında bərəkətin artması və halal qazanc mənasında yozulur.
Lakin arı ilə bağlı yuxular hər zaman müsbət hesab edilmir. Əgər yuxuda arı sancırsa, bu, qısa müddətli narahatlıqlar və ya insanlardan incimə ehtimalı kimi dəyərləndirilir. Ölü arı görmək isə fürsətlərin əldən verilməsi, tənbəllik və diqqətsizlik nəticəsində uğurun qaçırılması mənasına gəlir. Arıdan qorxmaq, adətən, ətrafda ziyan vermək istəyən şəxslərin varlığına xəbərdarlıq kimi yozulur.
Xalq arasında arı həmişə zəhmətkeşlik və halal ruzinin rəmzi kimi qəbul olunub. Yuxuda arı görmək də məhz bu məna çərçivəsində insanın həyatında nizam-intizam, zəhmət və nəticə arasında əlaqəni simvollaşdırır.