Close Menu
AzerVoice Logo
    Facebook X (Twitter) Linkedin Youtube

    AzerVoice

    • Baş xəbər
    • Xəbər lenti
    • Siyasət
    • Türk Dövlətləri
    • Digər Dövlətlər
      • Şimali Afrika
      • Yaxın Şərq
    • Təhlil
    Facebook X (Twitter) Linkedin Youtube
    AzerVoice
    AzerVoice təhlil mərkəzi

    Türkiyə və Suriya terrorla mübarizə və sərhədlərin təhlükəsizliyini müzakirə edib

    12 Oktyabr 2025 19:28
    Facebook Twitter Pinterest Copy Link Telegram LinkedIn Tumblr Email
    Facebook Twitter LinkedIn Pinterest Email

    BAKI,AzerVoice Analitik Təhlil Mərkəzi

    Türkiyə və Suriya arasında xarici işlər, müdafiə nazirləri və kəşfiyyat rəhbərlərinin iştirakı ilə terrorla mübarizə, sərhəd təhlükəsizliyi və Suriyadakı vəziyyət mövzularında mühüm görüş keçirilib. Görüş bazar günü Ankarada, Türkiyə Xarici İşlər Nazirliyində baş tutub.

    Türkiyə mənbələrinin məlumatına görə, xarici işlər naziri Hakan Fidanın sədrliyi ilə keçirilən iclasda Suriyadakı son hadisələr, xüsusilə Suriya Demokratik Qüvvələrinin (SDQ) 10 mart 2025-ci ildə Dəməşqlə imzaladığı razılaşmaya əməl etməməsi məsələsi müzakirə edilib. Razılaşmaya əsasən, SDQ özünü buraxmalı və dövlət strukturlarına inteqrasiya etməli idi.

    İclasda həmçinin Suriya hökumətinin İŞİD terror təşkilatına qarşı mübarizə səyləri, SDQ-nin nəzarətindəki həbsxana və düşərgələrdə saxlanılan terrorçuların və ailələrinin təxliyəsi, bu prosesdə qonşu ölkələrlə və beynəlxalq tərəfdaşlarla əməkdaşlıq məsələləri də müzakirə olunub.

    Türkiyə tərəfindən iclasa müdafiə naziri Yaşar Güler və Milli Kəşfiyyat Təşkilatının rəhbəri İbrahim Kalın, Suriya tərəfindən isə xarici işlər naziri Əsəd əş-Şeybani, müdafiə naziri Mərhəf Əbu Qəsrə və Ümumi Kəşfiyyat İdarəsinin rəhbəri Hüseyn əs-Səlamə qatılıb.

    Tərəflər həmçinin Cənubi Suriyadakı vəziyyəti və İsrailin bölgəyə müdaxilələrinin ölkədə sabitliyə mənfi təsirini müzakirə ediblər. Görüş zamanı 2025-ci il avqustun 13-də iki ölkənin müdafiə nazirlikləri arasında imzalanan hərbi əməkdaşlıq, məsləhətləşmə və təlim üzrə Anlaşma Memorandumunun icra vəziyyəti də qiymətləndirilib.

    Görüş bir neçə gün əvvəl, Suriyanın xarici işlər naziri Əsəd əş-Şeybaninin Ankaraya səfərindən sonra baş tutub. Şeybani ötən çərşənbə günü Türkiyənin xarici işlər naziri Hakan Fidanla görüşərək Suriyadakı vəziyyəti müzakirə etmişdi.

    Nazirlər birgə mətbuat konfransında Suriya Demokratik Qüvvələrinin, ABŞ tərəfindən dəstəklənən və Türkiyənin terrorçu təşkilat hesab etdiyi “Kürd Xalq Müdafiə Dəstələrinin” rəhbərliyi altında fəaliyyət göstərən qüvvələrin, Dəməşqlə imzaladıqları razılaşmaya sadiq qalmalı, silahlarını təhvil verməli və Suriya dövlət institutlarına inteqrasiya etməli olduqlarını bəyan etmişdilər.

    Hakan Fidan açıqlamasında bildirib ki, “Suriya hökuməti beynəlxalq ictimaiyyətlə əməkdaşlıq şəraitində İŞİD terror təşkilatına qarşı mübarizə aparmaqda güclü iradəyə malikdir”. Nazir həmçinin qeyd edib ki, “İsrailin Suriyadakı hücumları ölkədə gərginliyi artırır və bu, təhlükəli eskalasiya yaradır. Biz Suriya ərazi bütövlüyünün və suverenliyinin qorunmasının tərəfdarıyıq”. Fidan vurğulayıb ki, Türkiyə Suriya hökumətini ölkənin parçalanmasına və sabitliyin pozulmasına yönəlmiş bütün cəhdlərə qarşı dəstəkləyir.

    Bazar günü keçirilən bu görüş Türkiyə və Suriya arasında bu il təşkil edilən üçüncü yüksək səviyyəli görüş olub. İlk görüş yanvar ayında, ikinci isə 13 avqust tarixində Ankarada baş tutmuşdu. Həmin görüşdə tərəflər təhlükəsizlik və terrorla mübarizə məsələlərini müzakirə etmiş, həmçinin hərbi əməkdaşlıq memorandumu imzalanmışdı.

    Eyni zamanda, may ayında Ankarada Türkiyə, Suriya və İordaniya xarici işlər nazirlərinin üçtərəfli görüşü keçirilmiş, ondan öncə isə martın 9-da İordaniyanın paytaxtı Əmmanda Türkiyə, Suriya, İraq, İordaniya və Livanın iştirakı ilə beştərəfli formatda toplantı baş tutmuşdu.

    Həmin toplantılarda terror və narkotik qaçaqmalçılığı ilə mübarizə, silah ticarətinin qarşısının alınması, sərhədlərin təhlükəsizliyinin təmin edilməsi və bölgədə ortaq təhlükəsizlik problemlərinə qarşı birgə fəaliyyət mexanizmləri müzakirə edilmişdi.

    Sonuncu görüşdən iki gün əvvəl, cümə günü Hakan Fidan Ankarada İraqın xarici işlər naziri Fuad Hüseynlə də görüş keçirmişdi. Görüşdə İŞİD-lə mübarizə, Suriyanın şimal-şərqində terrorçuların və onların ailələrinin saxlandığı həbsxana və düşərgələrin təxliyəsi, həmçinin İraq–Suriya əməkdaşlığının gücləndirilməsi məsələləri diqqət mərkəzində olub.

    Fuad Hüseyn mətbuat konfransında bildirib ki, “İŞİD qruplaşmasının İraq-Suriya sərhədində yenidən fəallaşmağa başladığı müşahidə olunur. Bu səbəbdən yeni təhlükəsizlik toplantılarının keçirilməsi və həmin şəxslərin öz ölkələrinə, o cümlədən İraqa qaytarılması vacibdir”.

    Ankaradakı üçtərəfli görüşdən öncə Türkiyə müdafiə naziri Yaşar Güler də çıxış edərək, ölkəsinin “heç bir terror təşkilatının, xüsusilə PKK və onun Suriya qolu olan YPG/SDQ-nin qonşu ölkə ərazilərində fəaliyyət göstərməsinə və möhkəmlənməsinə icazə verməyəcəyini” bəyan edib.

    Nazir bildirib ki, PKK və onun bütün törəmələri dərhal və qeyd-şərtsiz şəkildə silahlarını təhvil verməlidir. O, həmçinin xatırladıb ki, təşkilatın həbsdə olan lideri Abdullah Öcalan fevral ayında PKK və onun bütün qollarını özlərini buraxmağa və silahı yerə qoymağa çağırmışdı.

    Bununla belə, SDQ bəyan edib ki, PKK-nın 12 may tarixində özünü buraxması ilə bağlı qərarı onlara aid deyil və onlar bu çağırışı qəbul etmirlər.

    #Hakan Fidan kimdir? #İbrahim Kalın kimdir? #Hakan Fidan #İŞİD #İŞİD terror təşkilatı #İbrahim Kalın #İŞİD-Xorasan #Yaşar Güler #SDQ və Suriya ordusunun birləşməsi #Hakan Fidan İran gərginliyi #HTŞ və İŞİD qarşıdurması #Nigeriyada şiələr İŞİD tərəfindən hədəfə alınırmı? #SDQ #Əsəd əl-Şeybani #Mazlum Əbdi və SDQ #ABŞ-ın İŞİD-lə mübarizə tələbi #İŞİD-in sosial media təbliğatı #İŞİD Türkiyə #İranın PKK və İŞİD vasitəsilə təsir cəhdləri #Suriya İŞİD əməliyyatı #İŞİD və İran müdaxiləsi #SDQ (Suriya Demokratik Qüvvələri) #İŞİD-ə qarşı mübarizə #İranın İŞİD #PKK və Hizbullahla əlaqələri
    Facebook Twitter Pinterest LinkedIn Tumblr Email Copy Link

    Oxşar Xəbərər

    ABŞ nümayəndəsi İsraildə Türkiyəyə təşəkkür edib

    12 Oktyabr 2025 03:00

    Ankarada Türkiyə-Suriya arasında təhlükəsizlik mövzusunda görüş keçiriləcək

    11 Oktyabr 2025 17:05

    Azərbaycan və Türkiyə XİN rəhbərləri Yaxın Şərqdəki vəziyyəti müzakirə ediblər

    11 Oktyabr 2025 15:45

    TDT artıq konkret layihələrə fokuslanıb - Hakan Fidan

    10 Oktyabr 2025 19:34

    Suriyalı xarici işlər naziri Əsəd əş-Şeybani bu gün Beyruta səfər edəcək

    10 Oktyabr 2025 10:06

    Suriya Xarici İşlər Naziri bu gün Türkiyəyə səfər edəcək

    8 Oktyabr 2025 12:46

    Hakan Fidan TDT Xarici İşlər Nazirləri Şurasında Qəzzə və Suriya ilə bağlı çağırış edib

    7 Oktyabr 2025 12:56

    Türk dövlətlərinin özünü inkişaf etdirməsi mühüm əhəmiyyət daşıyır - Hakan Fidan

    7 Oktyabr 2025 10:24

    Hələb ətrafında mülkilərə hücum edilməyib - Suriya

    6 Oktyabr 2025 15:57

    SDQ terrorçuları Suriya hökümətini hücumlar təşkil etməkdə ittiham edir

    6 Oktyabr 2025 04:00

    Suriyada qanlı savaş davam edəcəkmi?

    2 Oktyabr 2025 18:40

    İstanbulda İŞİD-ə qarşı əməliyyat keçirilib

    2 Oktyabr 2025 10:47
    Demo
    XƏBƏR LENTİ

    Fransanın yeni hökumət tərkibi açıqlanıb

    44 günlük Vətən müharibəsinin xronikası: 13 oktyabr

    Tarixdə bu gün - 13 oktyabr

    Fələstin prezidenti və Qətər əmiri Qəzza ilə bağlı sülh sammitində iştirak edəcəklər

    Qəzza ilə bağlı yekun həll Fələstin dövlətinin yaradılması olacaq - Qahirə

    İndoneziya sülhü dəstəkləmək üçün Qəzzaya qoşun göndərməyə hazırdır - Vens

    Marqaret Tetçer – baqqal qızı – Dəmir Ledi

    Prezident İlham Əliyev: Bu gün Beynəlxalq Hakimlər Assosiasiyası beynəlxalq dialoq və əməkdaşlıq məkanı rolunu oynayır

    Prezident İlham Əliyev: Müasir dövrün çağırışları məhkəmə sistemlərindən daim adaptasiya olunmağı tələb edir

    Prezident İlham Əliyev: Hüquqi dövlət quruculuğu dövlət siyasətimizin strateji prioritetlərindən biridir

    Reklam
    Demo
    Facebook X (Twitter) Linkedin Youtube
    © 2025 Azervoice.
    • Haqqımızda
    • İstifadə şərtləri
    • Məxfilik siyasəti
    • Xəbər lenti

    Axtarış üçün yuxarıya yazın və Enter düyməsinə basın. Ləğv etmək üçün Esc düyməsini sıxın.