BAKI, AzerVoice, Fərid Mikayılov
İstanbul Baş Prokurorluğunun rəhbərliyi ilə İŞİD terror təşkilatına qarşı həyata keçirilən əməliyyat nəticəsində 13 nəfər saxlanılıb.
AzerVoice xəbər verir ki, Baş Prokurorluq tərəfindən aparılan istintaq çərçivəsində 15 şübhəlinin terror təşkilatı ilə əlaqəli olduqları və xarici münaqişə bölgələri ilə irtibatlarının olduğu müəyyən edilib.
Onlardan 3-nün “xarici terrorçu döyüşçü” olduğu, 12 nəfərin isə sosial şəbəkələrdə təşkilatın təbliğatı və öyülməsi ilə məşğul olduğu ortaya çıxıb.
Polis qüvvələri tərəfindən keçirilən eyni vaxtlı əməliyyatda 13 nəfər yaxalanaraq həbs olunub. Qalan 2 şübhəlinin tutulması istiqamətində əməliyyatlar davam etdirilir.