BAKI, AzerVoice, Nailə Babazadə
Rumıniya Xarici İşlər Naziri Oana Toiu sabah Ankaraya ilk rəsmi səfərini edəcək.
AzerVoice xəbər verir ki, görüş zamanı Türkiyə və Rumıniya arasında strateji tərəfdaşlıq münasibətlərinin inkişafı, ticarət və iqtisadi əlaqələrin dərinləşdirilməsi, nəqliyyat və enerji sahəsində əməkdaşlığın genişləndirilməsi müzakirə olunacaq.
Nazir Hakan Fidanın iki ölkə arasında insan əlaqələrinin, xüsusilə Rumıniyada yaşayan türk və tatar icmalarının rolu barədə fikirlərini bölüşəcəyi gözlənilir.
Tərəflərin həmçinin Balkanlar və Qara dəniz bölgəsində təhlükəsizlik, müdafiə sənayesi və NATO çərçivəsində əməkdaşlıq məsələlərinə toxunacağı bildirilir.
Fidanın səfər zamanı Rusiya-Ukrayna müharibəsi, Qəzzadakı vəziyyət, eləcə də Türkiyə-Avropa İttifaqı münasibətləri barədə mövqeyini açıqlayacağı gözlənilir.
Xatırladaq ki, Hakan Fidan Rumıniyaya sonuncu dəfə 31 yanvar 2024-cü ildə səfər etmişdi.