BAKI, AzerVoice, Nailə Babazadə
Türkiyə Milli Müdafiə Nazirliyi, Eurofighter döyüş təyyarələrinin alınması prosesi ilə bağlı açıqlama yayıb.
AzerVoice xəbər verir ki, nazirlik bildirib ki,Türkiyə Hərbi Hava Qüvvələri Komandanlığının əməliyyat ehtiyaclarının qarşılanması məqsədilə yeni istehsal olunmuş Eurofighter Typhoon təyyarələri, avadanlıq və müxtəlif sursatların tədarükü üçün 27 oktyabr 2025-ci il tarixində Birləşmiş Krallıq ilə müqavilə imzalanıb.
Təchizat çərçivəsində 20 yeni Eurofighter Typhoon təyyarəsi, təyyarələrə aid tapşırıq avadanlıqları və müxtəlif növ və miqdarda sursatların layihə dəyəri təxminən 5,4 milyard İngilis funtu təşkil edir.
Həmçinin Nazirlik qeyd edib ki, Hava Qüvvələrinin əməliyyat ehtiyaclarını qarşılaması üçün Qətər və Oman vasitəsilə alınacaq Eurofighter Typhoon təyyarələri ilə bağlı işlər də davam etdirilir.