BAKI,AzerVoice, Fərid Mikayılov
Eyüpsultan rayonunda, TEM magistralının 5-ci Levent ərazisində 17 avtomobilin iştirakı ilə zəncirvari qəza baş verib.
AzerVoice xəbər verir ki, hadisə nəticəsində bir nəfərin yüngül xəsarət aldığı bildirilib.
Qəza səbəbindən magistralın həm Edirnə, həm də Ankara istiqamətlərində ciddi tıxaclar yaranıb.
Rəsmi məlumatlara görə, toqquşmada iştirak edən bütün nəqliyyat vasitələri müxtəlif dərəcədə ziyan görüb.
Hadisə yerinə polis və təcili tibbi yardım briqadaları cəlb olunub, magistralda hərəkətin bərpası üçün işlər davam etdirilir.
