BAKI, AzerVoice, Fərid Mikayılov
Türkiyənin Milli Müdafiə Naziri Yaşar Gülər, Vyetnam Müdafiə Naziri Phan Van Giangın rəsmi dəvəti ilə paytaxt Hanoya səfər edib və yüksək səviyyəli hərbi mərasimlə qarşılanıb.
AzerVoice xəbər verir ki, Gülər səfər çərçivəsində Ho Şi Min Mozolesini ziyarət edərək əklil qoyub və hörmət əlaməti olaraq bir dəqiqəlik sükut edib.
Daha sonra Vyetnam Müdafiə Nazirliyinə keçən Gülər, həmkarı Giang tərəfindən hərbi mərasimlə qarşılanıb. Mərasimdən sonra Qızıl Kitabı imzalayan nazir, heyətlərarası görüşlərdə iştirak edib.
Nazir, səfər proqramı çərçivəsində həmçinin Hanoydakı Türkiyə Səfirliyini ziyarət edərək diplomatik fəaliyyətlərlə bağlı məlumat alıb.
Daha sonra Vyetnam Prezidenti Luong Cuong tərəfindən qəbul edilən Gülər, görüş zamanı Rəcəb Tayyib Ərdoğanın salamlarını çatdırıb.