BAKI, AzerVoice, Nailə Babazadə

İstanbul 45-ci Asliye Hüquq Məhkəməsi CHP-nin İstanbul bələdiyyə konqresini ləğv edib. Bələdiyyə sədri Özgür Çelik və mövcud rəhbərlik vəzifədən kənarlaşdırılıb. Bələdiyyə təşkilatının idarə olunması üçün müvəqqəti olaraq Gürsel Tekinin də daxil olduğu 5 nəfərlik heyət təyin edilib.

AzerVoice xəbər verir ki, şikayətçi Özlem Erkan, məhkəməyə təqdim etdiyi ərizəsində konqres zamanı nümayəndələrin səslərinin pul, hədiyyələr və iş vədləri ilə yönləndirildiyini, səsvermədə isə qanunsuzluqların baş verdiyini irəli sürüb. İstanbul Baş Prokurorluğu tərəfindən aparılan istintaqlar və yayılan səs yazıları da bu iddiaları dəstəkləyib.

Həmçinin konqresdə seçilmiş yuxarı qurultay nümayəndələri də vəzifələrindən müvəqqəti şəkildə kənarlaşdırılıb. CHP Mərkəzi İdarə Heyətinin 39-cu Adi Qurultay çərçivəsində İstanbulda planlaşdırdığı il və ilçə konqreslərinin seçki prosesləri də müvəqqəti olaraq dayandırılıb.

Məhkəmə, konqresdə qəbul olunan bütün qərarların icrasının müvəqqəti olaraq dayandırılması tələbini isə rədd edib. Qərar tərəflərə və əlaqədar qurumlara göndərilib və etiraz və apellyasiya yolları açıq saxlanılıb.