BAKI, AzerVoice
Türkiyədə 26 şəhərdə FETÖ terror təşkilatına qarşı keçirilən əməliyyatlarda 77 nəfərin saxlanılıb, onlardan 56-sı həbs olunub.
AzerVoice xəbər verir ki, bu barədə Türkiyənin Daxili İşlər naziri Ali Yerlikaya X sosial media hesabından paylaşım edib.
Əməliyyatlar nəticəsində saxlanılan şəxslərin aşağıdakı ittihamlarla axtarıldığı qeyd olunub:
- Sosial media üzərindən FETÖ təbliğatı aparmaq,
- Təşkilatın aktiv strukturlarında fəaliyyət göstərmək,
- Ankesörlü telefonlar vasitəsilə təşkilat daxilində məsul şəxslərlə əlaqə saxlamaq,
- Təşkilatla əlaqəli qeyri-qanuni yardım qurumlarına maliyyə dəstəyi göstərmək.
Saxlanılan şəxslərdən 21-i barəsində istintaq prosedurları davam etdirilir. Əməliyyatlar zamanı çoxlu sayda təşkilata aid sənəd və rəqəmsal material ələ keçirilib.
“Millətimizin birlik və bərabərliyinə, dövlətimizin bütövlüyünə və vətəndaşlarımızın rifahına qarşı yönəlmiş hər cür təhdidə qarşı mübarizəmizi fasiləsiz davam etdiririk” – deyə Yerlikaya əlavə edib.