BAKI,
AzerVoice
Türk Hava Yolları uçuşlarda təyyarələrin vaxtında yola düşmə
göstəricisini artırıb.
AzerVoice xəbər verir ki, Türk Hava
Yollarının (THY) baş direktoru Bilal Ekşi 2025-ci ilin ilk 7 ayında
təyyarələrin vaxtında yola düşmə göstəricisinin 84,1 faizə
çatdığını açıqlayıb.
Bu göstərici ötən ilin eyni dövrü ilə müqayisədə 5 faiz artım
deməkdir.
“THY təhlükəsiz və rahatlıqla vaxtında havaya qalxır. 2025-ci ilin yanvar-iyul dövründə 84,1 faiz vaxtında gediş müvəffəqiyyəti əldə etdik. Sizə təhlükəsiz, rahat və vaxtında xidmət təklif etməkdən çox məmnunuq.” - deyə Bilal Ekşi sosial şəbəkə paylaşımında bildirib.
Qeyd edək ki, Türk Hava Yolları 2024-cü ildə də dəqiq uçuş göstəricilərini artırmaq üçün bir sıra texnoloji və logistika yönümlü tədbirlər görmüşdü. Vaxtında yola düşmə göstəriciləri hava yolları üçün həm sərnişin məmnuniyyəti, həm də əməliyyat səmərəliliyi baxımından strateji əhəmiyyət daşıyır.