BAKI, AzerVoice
BAYKAR ixracın zirvəsində -Türkiyənin ilk 10 ixracatçısından biri olub.
AzerVoice xəbər verir ki, Türkiyənin
yerli və milli pilotsuz uçuş aparatları istehsalçısı Baykar,
2024-cü ildə də ixracat uğurunu davam etdirərək bütün sektorlar
üzrə ölkənin ən çox məhsul ixrac edən ilk 10 şirkəti sırasına daxil
olub.
Şirkət son 4 ildə müdafiə və aviasiya sənayesində fasiləsiz ixrac
lideri olaraq mövqeyini qoruyub.
İstanbulda keçirilən “İxracatın Şampiyonları” mükafatlandırma mərasimində Baykar şirkətinə Prezident Rəcəb Tayyib Ərdoğan tərəfindən mükafat təqdim olunub. Mükafatı Baykar İdarə Heyətinin sədri Səlcuq Bayraktar qəbul edib.
Şirkətin 2003-cü ildən bəri bütün layihələrini öz resursları ilə həyata keçirdiyi və 2024-cü ildə ixracdan əldə etdiyi 1,8 milyard dollarlıq gəlir ilə sektorda öncül mövqeyini qoruduğu bildirilib. Baykar ümumi ixracatın təxminən 90%-ni təşkil edərək müdafiə və aviasiya sahəsində ixracatın dörddə birini təkbaşına reallaşdırıb.
Hal-hazırda dünyanın ən böyük PUA istehsalçısı statusuna sahib olan Baykar, Bayraktar TB2 üçün 35, Bayraktar AKINCI üçün isə 15 ölkə ilə müqavilə bağlayaraq cəmi 36 ölkəyə ixrac həyata keçirib.
Qeyd edək ki, Baykar 2021, 2022, 2023 və 2024-cü illərdə ardıcıl olaraq müdafiə və aviasiya sahəsində ixracat lideri elan edilib və bu göstəricilərlə Türkiyənin PUA texnologiyasında dünya bazarındakı rolunu daha da gücləndirib.
