BAKI, AzerVoice
Türkiyə Prezidenti Rəcəb Tayyib Ərdoğan Macarıstana səfər edib
AzerVoice xəbər verir ki, Türkiyə Prezidenti Rəcəb Tayyib Ərdoğan Türk Dövlətləri Təşkilatının (TDT) Qeyri-rəsmi Zirvə Toplantısında iştirak etmək məqsədilə Macarıstanın paytaxtı Budapeştə rəsmi səfər edib.
Səfər zamanı Prezident Ərdoğanın şərəfinə Esenboğa Beynəlxalq Hava Limanında rəsmi vida mərasimi keçirilib. Prezidentə vitse-prezident Cevdet Yılmaz, Prezidentin Baş Katibi Hakkı Susmaz və Ankara valisi Vasip Şahin yola salmaq üçün iştirak ediblər.
Səfərdə Prezident Ərdoğana həyat yoldaşı Əminə Ərdoğan, Prezidentin Kommunikasiyalar üzrə direktoru Fahrettin Altun və Xarici Siyasət və Təhlükəsizlik Baş müşaviri Akif Çağatay Kılıç da müşayiət edir.
Budapeştdə keçiriləcək Zirvə Toplantısında “Şərqlə Qərbin Görüş Nöqtəsi” mövzusu əsas müzakirə mövzusu olacaq. Prezident Ərdoğanın Türk Dövlətləri Təşkilatı Dövlət Başçıları Şurasının iclasında iştirak etməsi və digər iştirakçı dövlət və hökumət başçıları ilə ikitərəfli danışıqlar aparması planlaşdırılır. Bu görüşlər çərçivəsində regional əməkdaşlıq və strateji tərəfdaşlıq əlaqələrinin daha da gücləndirilməsi gözlənilir.