BAKI,AzerVoice
Türkiyə ilə ikitərəfli ticarət həcmi rekord səviyyəyə çatıb və hədəf 130 milyard dollardır.
AzerVoice xəbər verir ki, bu barədə İtaliya Baş naziri Ciorcia Meloni bildirib.
O vurğulayıb ki, ticarət hədəfi 5 il əvvəlcədən əldə olunub və Türkiyə ilə strateji tərəfdaşlıq mövcuddur.
Meloni əlavə edib ki, tərəflər Aralıq dənizində əlaqələri daha da inkişaf etdirəcək, enerji, təbii qaz, bərpa olunan enerji, kosmos, sürətli qatar, idman və arxeologiya sahələrində əməkdaşlıq genişlənir.
Meloni qeyd edib ki, İtaliya və Türkiyə yalnız iqtisadi sahədə deyil, həm də siyasi və strateji sahələrdə müttəfiqdirlər, NATO və Aralıq dənizində əməkdaşlıq edirlər. O, Rusiya-Ukrayna müharibəsində Türkiyə Prezidenti Ərdoğanın vasitəçilik rolunu yüksək qiymətləndirib və Rusiyanın da sülh iradəsi göstərəcəyinə ümid etdiyini bildirib.
Sonda Meloni Türkiyə ilə möhkəm dostluğun daha da inkişaf etdiriləcəyini bildirib.
