BAKI, AzerVoice
Türkiyə Xarici İşlər Nazirliyi İsrail mətbuatında yayılan "Hakan Fidan HƏMAS-ı atəşkəsə razı salıb" iddiasını təkzib edib.
AzerVoice xəbər verir ki, Xarici İşlər
Nazirliyinin sözçüsü Öncü Keçeli, İsrail mətbuatında yer alan
iddialara cavab olaraq, "Nazir Hakan Fidanın dünən Dohada Həmas
rəsmiləri ilə görüşündə atəşkəslə bağlı HƏMAS-ı güzəştə getməyə
məcbur etdiyi" xəbərinin həqiqəti əks etdirmədiyini bildirib.
Keçeli, bu cür məlumatların yalan olduğunu və yalnız spekulyasiya
məqsədilə yayıldığını vurğulayıb.
Xarici İşlər Nazirliyi bu tip yanlış məlumatlara qarşı daha
diqqətli olmağa çağırıb.
Qeyd edək ki, Xarici İşlər Naziri Hakan Fidanın dünən Qətərdə baş
tutan görüşü, regiondakı gərginliyin azalmasına yönəlmiş sülh
təşəbbüslərinin bir hissəsi olub. Görüşdə Həmas nümayəndələri ilə
müzakirələrdə atəşkəs və humanitar yardım məsələləri ön planda
olub, lakin bu, yalnız diplomatik danışıqlar çərçivəsində olub və
heç bir razılaşma əldə edilməyib.
