BAKI, AzerVoice, Nailə Babazadə
Türkiyənin İzmir şəhərində bu səhər saatlarında təlim təyyarəsi düşüb.
AzerVoice xəbər verir ki, qəza ilə bağlı məlumat alan aidiyyəti qurumlar – təcili tibbi yardım və yanğınsöndürmə briqadaları dərhal hadisə yerinə cəlb olunub. Əraziyə gələn xilasedicilər dərhal axtarış-xilasetmə işlərinə başlayıblar.
Verilən rəsmi məlumata görə, təyyarə Selçuk Hava Limanından havalanıb və Torbalının Kırbaş məhəlləsi ərazisində yerə çırpılıb. Qəza nəticəsində təyyarədə olan pilot həyatını itirib.
Hadisənin səbəbi ilə bağlı araşdırma aparılır.