BAKI,AzerVoice
Türkiyə Daxili İşlər Nazirliyinin tabeliyində fəaliyyət göstərən Təhlükəsizlik Baş İdarəsinin Dəstək Xidmətləri İdarə Rəhbərliyi tərəfindən 22 ədəd baqaj yoxlama (X-Ray) cihazının satın alınması üçün tender elan edilib.
Tenderdə yerli və əcnəbi şirkətlər iştirak edə bilər. Cihazlar tenderin nəticələri açıqlandıqdan 180 gün ərzində təhvil alınacaq.
Tender iştirakçıları aşağıdakı meyarlara sahib olmalıdırlar:
- Türkiyə Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklər olmamalı;
- Müvafiq sahibkarlıq fəaliyyəti növünün həyata keçirilməsi və ya müəyyən hərəkətlərin yerinə yetirilməsi üçün müvafiq lisenziyaya və ya icazəyə malik olmalı;
- Müflis elan olunmamalı, məhkəmənin qərarı ilə kommersiya fəaliyyəti dayandırılmış şəxs olmamalıdır.
Tender təklifinin təqdim edilməsinin son tarix vaxtı:
- Tender təklifləri 24 iyun 2025-ci il tarixinə qədər "E.G.M. Destek Hizmetleri Daire Başkanlığı – Ayrancı Mah. Dikmen Caddesi No: 11 06690 Çankaya/Ankara" ünvanına bağlı və küncləri möhürlənmiş zərflər şəklində təqdim edilməlidir
