BAKI, AzerVoice, Nailə Babazadə
Səudiyyə Ərəbistanının vəliəhd şahzadəsi, baş nazir Məhəmməd bin Salman Əl-Səud Riyadda, “Əl-Yemame” sarayında Beynəlxalq Futbol Federasiyaları Assosiasiyasının (FİFA) prezidenti Canni İnfantinonu qəbul edib.
AzerVoice xəbər verir ki, görüş zamanı Səudiyyə Ərəbistanı ilə FİFA arasında idman sahəsində əməkdaşlıq istiqamətləri, qarşıdakı layihələr və futbolun inkişafına dair yeni imkanlar müzakirə olunub. Tərəflər qlobal səviyyədə idman təşəbbüslərinin genişləndirilməsi və Səudiyyə Ərəbistanının bu prosesdə rolunun gücləndirilməsi barədə fikir mübadiləsi aparıblar.
Görüşdə krallığın idman naziri şahzadə Əbdüləziz bin Turki əl-Feysəl, ticarət naziri Məcid əl-Qasabi, Dövlət Neft Fondunun (PIF) rəhbəri Yasir ər-Rumayyan, kral sarayının müşaviri Əbdüləziz Tərbəzonu və Səudiyyə Ərəbistanı Futbol Federasiyasının prezidenti Yasir əl-Mişal iştirak ediblər.