BAKI, AzerVoice, Fərid Mikayılov
Misirin futbol üzrə milli komandası 2026-cı ildə keçiriləcək dünya çempionatına vəsiqə qazanıb.
AzerVoice xəbər verir ki, Məhəmməd Salahın liderlik etdiyi komanda Cibuti yığmasını 3:0 hesabı ilə məğlub edərək mundiala vəsiqə əldə edən 19-cu komanda olub.
Matçda iki qol vuran Məhəmməd Salah, Misirin dünya çempionatına yüksəlməsində əsas rol oynayıb.
Misir bu nailiyyəti ilə artıq 2026 FIFA Dünya Çempionatında iştirak edəcək 19 ölkə arasında yer alıb. Bundan əvvəl Meksika, Kanada və ABŞ-ın ev sahibliyi edəcəyi mundiala Yaponiya, İran, Cənubi Koreya, İordaniya, Avstraliya, Özbəkistan, Yeni Zelandiya, Argentina, Ekvador, Braziliya, Kolumbiya, Uruqvay, Paraqvay, Mərakeş və Tunis də vəsiqə qazanmışdı.
2026-cı il dünya çempionatı 11 iyun - 19 iyul tarixlərində keçiriləcək və turnirdə ümumilikdə 48 ölkənin milli komandası iştirak edəcək.