BAKI, AzerVoice, Nailə Babazadə
İngiltərə Futbol Federasiyası (FA) Avropa Çempionatı və Dünya Kuboku seçmə mərhələlərinin “çox proqnozlaşdırıla bilən” hala gəldiyini bildirərək, turnir formatının tamamilə yenilənməsinin vacib olduğunu açıqlayıb.
AzerVoice xəbər verir ki, FA-nın CEO-su Mark Bullingham, Euro 2028 logosu və oyun cədvəlini təqdim etdiyi tədbirdə çıxışında mövcud seçmə sistemi xüsusilə böyük ölkələr üçün çox asan olduğunu, bunun isə beynəlxalq futboldakı rəqabəti azaltdığını deyib.
İngiltərə dünən Wembley stadionunda 2026 Dünya Kuboku seçmə oyununda Serbiyaya 2-0 qalib gəlsə də, Andorra və Latviya kimi zəif rəqibləri asanlıqla keçərək turnirə qatılmağı artıq təmin etmişdi.
Son 30 ildə İngiltərə Avropa və Dünya Kuboku seçmə mərhələlərində yalnız 6 dəfə uduzub; Dünya Kuboku seçmələrində isə son məğlubiyyəti 2009-cu ildə yaşanıb. UEFA-nın 55 üzv ölkəsindən gələn il Dünya Kubokunda 16 komanda iştirak edəcək.