BAKI,AzerVoice, Fərid Mikayılov
Real Madridin ulduz futbolçusu Vinisius Junior, yeni müqavilə ilə bağlı danışıqlarda istədiyi şərtlərin yerinə yetirilməməsi halında klubdan ayrılmağı nəzərdən keçirir.
AzerVoice xəbər verir ki, 25 yaşlı braziliyalı oyunçunun hazırkı müqaviləsinin başa çatmasına iki il qalsa da, uzun müddətdir Səudiyyə Ərəbistanı Pro Liqası klublarının hədəfindədir.
Bununla yanaşı, Vinisius dəfələrlə karyerasını “Santyaqo Bernabeu”da davam etdirmək istədiyini vurğulayıb. Cari mövsümə də uğurlu başlayan hücumçu 5 oyunda 3 qol payı ilə yadda qalıb.
Madrid klubu 2024-cü ilin sonundan etibarən Vinisiusun nümayəndələri ilə danışıqlar aparsa da, tərəflər arasında ciddi irəliləyiş yoxdur.
Məlumata görə, Vinisius Junior Kilian Embappe ilə eyni məvacibi tələb edir. Bundan başqa, braziliyalı futbolçu, Xabi Alonso rəhbərliyi altında komandanın taktiki quruluşunda rolunun dəyişəcəyindən də narahatdır. Baş məşqçi isə Vinisiusun hələ də əsas fiqurlardan biri olduğunu bildirir.
