BAKI,AzerVoice, Fərid Mikayılov
Fransalı hücumçu Kristofer Nkunku Çelsidən Milana 42 milyon avro qarşılığında transfer olunub.
AzerVoice xəbər verir ki, 25 yaşlı futbolçu İtaliya klubunda 2030-cu ilə qədər qüvvədə olacaq beşillik müqaviləyə imza atıb.
Nkunku 2023-cü ildə Leyptsiqdən Çelsiyə 52 milyon funt sterlinq qarşılığında transfer olunmuşdu. Lakin Londonda keçirdiyi müddət zədələrlə yadda qaldı. O, ağır diz zədəsi səbəbilə əsasən Premyer Liqa oyunlarını buraxdı və ilk mövsümündə cəmi 11 dəfə meydana çıxdı.
Yeni mövsümün ilk iki qarşılaşmasında heyətdən kənarda qalan futbolçu ilə yolların ayrılacağı artıq gözlənilirdi. Bu satış Çelsiyə yeni transferlər üçün büdcə imkanı da yaradacaq.
Nkunku isə Milanda debütünü yığma matçlar üçün ayrılacaq fasilədən sonra edə bilər. Milan 14 sentyabrda Bolonya ilə qarşılaşacaq və fransalı hücumçunun həmin oyunda meydana çıxması gözlənilir.