BAKI, AzerVoice, Səməd Əyyubov – 2024-2025 mövsümünün ən yaxşı futbolçusuna təqdim olunacaq "Qızıl top" mükafatına namizəd olan oyunçuların adları açıqlanıb.
AzerVoice xəbər verir ki, bu haqda Fransanın məşhur "France Football" jurnalı məlumat yayıb.
Mükafat uğrunda mübarizə aparacaq futbolçular aşağıdakılardır:
Şotlandiya – Skott Maktominay (“Napoli”, İtaliya)
İngiltərə – Deklan Rays (“Arsenal”), Koul Palmer (“Çelsi”), Harri Keyn, Cud Bellingem
Qvineya – Seru Girassi (“Borussiya” Dortmund, Almaniya)
Norveç – Erlinq Holann (“Mançester Siti”)
Niderland – Denzel Dümfris (“İnter”), Vircil fan Dayk (“Liverpul”)
Argentina – Lautaro Martines (“İnter”), Aleksis Makallister (“Liverpul”)
Fransa – Kilyan Mbappe, Usman Dembele, Maykl Olise, Dezire Due
Braziliya – Vinisius Junior, Rafinia (“Liverpul”)
Misir – Məhəmməd Salah (“Liverpul”)
Polşa – Robert Levandovski
İspaniya – Pedri, Lamin Yamal, Fabian Ruis
İtaliya – Canluici Donnarumma (qapıçı)
Mərakeş – Əşrəf Hakimi
Gürcüstan – Xviça Kvaratsxeliya
Portuqaliya – Nunu Mendiş, Juan Mendiş, Vitinya (PSJ)
İsveç – Viktor Gyokeres (“Sportinq”dən “Arsenal”a transfer olunub)
Almaniya – Florian Virtz (“Liverpul”)
Məlumat üçün bildirək ki, "Qızıl top" mükafatı 1956-cı ildə "France Football" jurnalının sabiq baş redaktoru Qabriel Ano tərəfindən təsis olunub. İlk mükafat həmin il İngiltərənin “Blekpul” klubunun hücumçusu Stenli Metyuza təqdim edilib. Əvvəllər yalnız Avropalı futbolçular namizəd ola bilərdi, lakin 1995-ci ildən etibarən Avropa klublarında çıxış edən istənilən millətdən futbolçular da namizəd ola biliblər. 2007-ci ildən isə bu məhdudiyyət tamamilə aradan qaldırılıb.
2010–2015-ci illərdə “Qızıl top” mükafatı FIFA ilə birgə təqdim olunurdu. 2016-cı ildən bu iki qurum öz mükafatlarını ayrıca təqdim edir. Qeyd edək ki, FIFA-nın versiyası olan "İlin ən yaxşı futbolçusu" mükafatı 1991–2009-cu illərdə də mövcud olub.
2023-cü ilin noyabrında UEFA "Qızıl top" mükafatının rəsmi tərəfdaşı olduğunu elan edib.
2024-cü ildə mükafat ispaniyalı yarımmüdafiəçi Rodriyə təqdim olunub. O, mövsümün böyük hissəsini zədə səbəbindən buraxsa da, ümumi performansına görə ilin ən yaxşısı seçilib.
2025-ci il “Qızıl top” mükafatının təqdimetmə mərasimi sentyabrın 22-də Parisdə baş tutacaq.
