BAKI, AzerVoice
Fənərbaxça, İtaliyanın İnter komandasında çıxış edən yarımmüdafiəçi Hakan Çalhanoğlu ilə transfer danışıqları aparır.
AzerVoice xəbər verir ki, klub yeni mövsüm öncəsi heyətini gücləndirmək məqsədilə sürpriz addım ataraq, Qalatasarayın da maraq dairəsində olan ulduz futbolçu ilə əlaqə yaradıb.
Məlumata görə, Fənərbaxça prezidenti Ali Koç bu keçidin reallaşması üçün intensiv şəkildə çalışır. Klub daxilində məsələ ilə bağlı əsas məsləhətləşmələrdən biri baş məşqçi Joze Mourinyo ilə aparılıb.
Portuqaliyalı mütəxəssisin Hakan Çalhanoğlunun transferinə müsbət rəy verdiyi bildirilir. Klub rəhbərliyi futbolçunun komandadakı potensial rolu ilə bağlı Mourinyonun fikirlərini nəzərə alaraq, rəsmi təklif mərhələsinə keçməyə hazırlaşır.
Danışıqların detalları hələlik açıqlanmasa da, yaxın günlərdə transferin taleyinə aydınlıq gələcəyi gözlənilir.
