BAKI,AzerVoice, Fərid Mikayılov
2026-cı il yanvarın 1-dən etibarən Müstəqil Dövlətlər Birliyinin (MDB) qurumlarına sədrliyin Tacikistandan Türkmənistana keçdiyi bildirilib.
AzerVoice xəbər verir ki, Türkmənistan Prezidenti Sərdar Berdiməhəmmədov qeyd edib ki, Aşqabad MDB-nin potensialının maksimum səviyyədə reallaşdırılmasına töhfə verməyi planlaşdırır.
Onun sözlərinə görə, Türkmənistan bu sədrliyi bütün üzv dövlətlər tərəfindən göstərilən hörmət və etimadın göstəricisi, eləcə də ölkənin MDB-nin inkişafına verdiyi töhfənin tanınması kimi qiymətləndirir.
Berdiməhəmmədov, həmçinin Türkmənistanın MDB-yə sədrliyi dövrü üçün xüsusi konsepsiya hazırlayacağını açıqlayıb. Sözügedən sənəddə dövlətlərarası əməkdaşlığın daha da genişləndirilməsi istiqamətində ölkənin əsas prioritetləri və yanaşmaları əks olunacaq.
Qeyd edək ki, Türkmənistan MDB-də assosiasiyalı üzv statusuna malikdir. Aşqabad bu təşkilata sonuncu dəfə 2019-cu ildə sədrliyi həyata keçirib.